Pajlug 30:1-4
Nqe cim:
“Kuv ruam ib yam li tus tsiaj, kuv tsis muaj kev txawj ntse li neeg muaj” (Pajlug 30:2)
Lus nug rau sawvdaws xav:
– Ankus zeem paub li cas txog yus?
– Vim li cas qhov kev zeem paub no tseemceeb heev?
– Peb cheemtsum thov Vajtswv dabtsi rau cov thawj tswj teb kav chaw?
Ankus yog ib tug neeg txawj ntse, nws cov pajlug tau Vaj Ntsujlpig coj kev sau thiab tau muab txawb sib luag zog ib yam li vajntxwv Xalumoos cov pajlug. Yog li ntawd, kev txawj ntse tsis yog yam uas tsuas pub tau rau ib leej tibneeg xwb tiamsis yog pub rau txhua tus uas txo hwjchim thiab nrhiav Vajtswv (nqe 2-4). Txawm yog puv npo Vajtswv koob hmoov thiab kev txawj ntse, los Ankus cim civ zeem paub yus yog “neeg ruam” (nqe 2), yog ib lo lus koom hauv paus ntawm lo lus “tsiaj” thiab pheej txhais hu hais tias “ruam”, tsis tas li ntawd, nws cim civ zeem nws yog tus “…ruam ib yam li tus tsiaj”. Tsis tas qhov ntawd, nws tseem siv tej kabke hais lus paj huam hais tias nws “tsis muaj kev txawj ntse li neeg muaj” txhais hais tias tsuas ntse ib ib li tsiaj xwb!
Nqe 4 tau nkiag siab hais tias, yog Ankus tabtom hais txog nws txoj kev ruam hauv lub peevxwm uas nrhiav thiab zeem paub tus Tswv. Tsis tas li ntawd, hauv nqe 3, thaum txhawb “kev txawj ntse” sib luag zos rau “Vajtswv tus uas dawb huv” txoj, Ankus xav qhia hais tias “kev txawj ntse” tseeb yog zeem paub Vajtswv, nov yog yam uas Ankus “kawn tsi tau”. Hais rau lwm seem, peb yuav nrhiav tsis pom kev txawj ntse yog peb tsuas ntsia hauv xwb tsis ntsia mus rau saum Vajtswv. Paub Vajtswv yog tabtom tshawbfawb Nws lub tebchaws. Tshawb nrhiav Vajtswv lub tebchaws tiamsis tsis paub Nws mas yog cim civ txawb yus rau qhov chaw uas poob zog khoob txais tsis tau dabtsi (Pajlug 9:10).
Ankus tsis cim civ muab yus txo qig lossis ua txuj txo hwjchim, tiamsis lees paub yus tus kheej rau kev txo hwjchim, txo tus kheej thaum uas mus ze qhov kaj ntawm Vajtswv Txojlus, nws hwm thiab ntshai thaum sawv tabmeeg Vajtswv (Yauj 42:3-6). Txoj kev zeem paub no tseemceeb heev vim qhov ntawd Ankus thiaj dhau los ua tus neeg txawj ntse; ntawm kev txo hwjchim, txo tus kheej, thiab nrhiav Vajtswv, Ankus thiaj tau Vajtswv qhia Nws Txojlus rau Ankus. Ankus txoj kev zeem paub yuavtsum yog txoj kev zeem paub ntawm txhua tus uas yug dua tshiab thiab lub qhovmuag sab ntsujplig twb qhib lawd. Tiamsis yog khavtheeb, txaus siab rau yus tus kheej yog lub cim ntawm ib tug neeg uas tsis tau yug dua tshiab, lossis tseem yog menyuam mos liab ntawm sab ntsujplig. Nqe pajlug no txiav txim rau cov neeg uas cim civ suav hais tias yus yog neeg ntse los ntawm lawv txoj kev siv zog. Tseeb tiag, lawv yog “neeg ruam” txog qib uas zeem tsis tau yus tabtom yog “neeg ruam”, thiab lawv kuj “ruam” zeem tsis tau yus yog ib tug tibneeg ua neej uas tsimnyog ua neej (Yaxayas 5:21; 19:11-15).
Peb pheej thov Vajtswv kom lub tebchaws muaj cov thawjcoj muaj tswvyim, txawj ntse coj lub tebchaws mus txog kev vammeej. Tiamsis yam cheem tsum dua yog tas siab thov Vajtswv hloov cov nomtswv lub siab kom lawv zeem Vajtswv thiab pehawm Nws.
Thov Vajtswv,
Vajtswv, thov hlub tshua txog nyuam yaus lub tebchaws thiab thov Koj tsa muaj cov nomtswv paub Koj, hwm Koj thiab pehawm Koj. Nyuam yaus tuav Tswv Yexus Khetos lub npe thov, Amees.
Peb tabtom thov Vajtswv rau peb lub tebchaws li cas?
Nyeem Vajluskub hauv peb lub xyoos: Kaulauxais 2.
Kênh Youtube BHKTHN:
