Klei Aê Diê Blŭ: Y-Yêrêmi 27:16-22.
Êlan kliăng: “Duah bĕ Yêhôwa êjai arăng dưi ƀuh ñu; iêu wah lač bĕ kơ ñu êjai ñu dôk giăm.” (Y-Êsai 55:6).
Klei êmuh ksiêm mĭn: Si ngă knuih Yêhôwa mtă kơ phung khua ngă yang leh anăn jih jang phung ƀuôn sang brei mâo kơ klei blŭ phung khua hưn êlâo soh? Ya ngă? Si ngă knuih phung khua hưn êlâo soh brei mâo? Ya drei khăng duah sĭt tuôm hŏng klei dleh dlan?
Leh dua blư̆ mtao Y-Neƀukatnetsar nao blah ƀuôn Yuđa hlăm thŭn 605 êlâo kơ klei kkiêng kơ Khua Yang Yêsu leh anăn hlăm thŭn 597 êlâo kơ klei kkiêng kơ Khua Yang Yêsu, êngao kơ phung êdah kdlưn arăng mă jing hlŭn, lŏ mâo ngăn drăp hlăm Sang Yang ăt arăng mă leh anăn ba kơ čar Ƀaƀilôn. Ti anăp klei anăn, phung khua pô hưn êlâo mgưt hưn leh klei hưn êlâo luar čiăng hơĭt ai tiê phung ƀuôn sang, “Nĕ anei, ăt dôk ƀiă arăng srăng lŏ ba wĭt mơ̆ng ƀuôn Ƀaƀilôn mnơ̆ng yua hlăm sang Yêhôwa!” (êlan 16). Klei Yêhôwa hưn hŏng phung khua ngă yang leh anăn phung ƀuôn sang Aê Diê jing đăm hmư̆ ôh klei blŭ luar anăn, leh anăn sa klei mtă klă sĭt kơ phung khua pô hưn êlâo jing tơdah diñu klă sĭt jing phung khua pô hưn êlâo snăn brei wah lač hŏng Yêhôwa êbâo čô kahan kơ Yuđa leh anăn kdrăp mnơ̆ng adôk hlăm sang mtao Yuđa leh anăn ƀuôn Yêrusalem. Duah bĕ Aê Diê đăm mđing ai tiê hlăm Sang Yang leh anăn kdrăp mnơ̆ng hlăm Sang Yang ôh kbưi hŏng Aê Diê.
Tui si Klei Yêhôwa blŭ, jih jang čar brei mă bruă kơ mtao Y-Neƀukatnetsar (Y-Yêrêmi 27:6-8). Anei jing klei Pô kiă kriê lăn adiê mtă, klă sĭt djăp bruă srăng truh tui si Klei Aê Diê Blŭ. Anăn pia “Yêhôwa kơ phung kahan” dưi mñă wĭt lu bliư̆ tinei jing čiăng mñă Aê Diê Pô myang hĭn leh anăn ăt jing Pô phung khua hưn êlâo soh brei tui duah leh anăn myơr klei kwưh akâo hrô kơ bruă diñu čŏng bi mĭn klei anei klei mkăn hiu mplư phung mkăn. Dŭm kdrăp mnơ̆ng hlăm Sang Yang ăt srăng ba jih kơ Ƀaƀilôn hlăm gưl bi blah tal tlâo hlăm thŭn 586 êlâo kơ klei kiêng kơ Khua Yang Yêsu, leh anăn dưi pioh tinăn êla truh hruê Yêhôwa nao čuă diñu kơh dưi lŏ tla wĭt kơ anôk hđăp, anăn jing hruê phung Yuđa mơ̆ng anôk jing hlŭn lŏ wĭt (êlan 22, Y–Êsra 1:7-11).
Ƀabilôn mâo arăng nao blah jing klei bi kmhal phung ƀuôn sang Aê Diê tŭ kyua dŭm thŭn mlan khăng ai tiê bi kdơ̆ng hŏng Aê Diê. Hlăm wưng tŭ klei bi kmhal, klei sa anăn brei diñu jing gưt hluê si djăp Klei Aê Diê mtă wăt tơdah klei anăn mklăk hŏng klei diñu čang hmăng, snăn kơh klei khăp leh anăn klei pap Aê Diê srăng lŏ truh hŏng phung ƀuôn sang leh anăn Aê Diê srăng pap brei leh anăn bi mrâo diñu.
Sĭt tuôm hŏng klei dleh dlan, hrô kơ bruă drei dưm ai tiê klei mĭn mđing kơ klei blŭ phung riêng gah, amâodah mđing đei kơ klei hing ang, prăk mah msĕ si sa mta mtlaih pô, snăn brei lŏ wĭt tui duah leh anăn akâo kơ Yêhôwa kơ phung kahan čiăng dưi mâo klei bi mtlaih mơ̆ng Ñu hlăm wưng Ñu bi kčah leh.
Hlăm djăp klei dleh dlan pô tuôm drei mđing tal êlâo tui duah Aê Diê mơ̆?
Ơ Yêhôwa kơ phung kahan! Kâo lač Ih jing Khua Yang kâo leh anăn mơak gưt klei Ih kiă kriê hlăm klei hdĭp kâo, akâo Ih bi hriăm kâo thâo mding tui duah Ih čiăng kwưh akâo sĭt tuôm hŏng klei dleh dlan, amâo djŏ blŭ leh anăn hmư̆ klei luar mplư hơaĭ hmang ôh.
Klei hriăm mblang mơ̆ng klei hriăm Klei Aê Diê Blŭ grăp hruê mơ̆ng Knơ̆ng bruă mtô mjuăt klei đaŏ Sang Aê Diê kluôm
Tơdah mâo klei blŭ mguôp, akâo kơ diih mơĭt hră hlăm gmail: radioelansitnik@gmail.com
Dlăng Klei Aê Diê Blŭ hlăm tlâo thŭn: Phung Khua Phat Kđi 6:25-40
Kênh Youtube BHKTHN:
