Pajlug 26:4-5
Nqe cim:
“Nej tsis txhob ua phem pauj phem, yog leejtwg foom phem rau nej, nej tsis txhob foom phem pauj, tiamsis nej cia li thov Vajtswv foom koob hmoov rau nws. Rau qhov thaum Vajtswv hu nej los Vajtswv coglus tseg hais tias Vajtswv yuav foom koob hmoov rau nej” (I Petus 3:9)
Lus nug xav:
– Vajntxwv Xalumoos qhia nws cov menyuam kom tsis txhob teb rau cov neeg ruam li cas?
– Yuav tsum teb rau cov neeg ruam zoo li cas?
– Zaj kawm no qhia rau cov ntseeg yuav tsum ua neej raws li tus qauv twg?
Nyob rau thawj tshoob ntawm phau ntawv Pajlug, Vajntxwv Xalumoos qhia rau nws cov menyuam kom cais meej txog tej kev sib txawv ntawm cov neeg txawj ntse thiab cov neeg ruam: “Tus uas hwm tus Tswv, tus ntawd thiaj yog tus uas muaj kev txawj ntse. Cov neeg ruam nyiam thuam lub tswvyim thiab tsis kawm txuj kawm ci” (Pajlug 1:7). Nov yog cov neeg uas muaj kev txawj ntse tiamsis tsis ua lub neej ncaj ncees, yog li thaum teb cov neeg ruam, koj yuav tsum ua tib zoo saib, paub qhov twg tsimnyog teb, thiab yog teb los teb li cas kom yog.
Tus uas sau phau ntawv Pajlug ntuas cov menyuam tsis txhob lam teb cov neeg ruam raws li lawv txojkev ruam (nqe 4a), nyob tsam cov menyuam ho mus ua zoo li lawv ua (nqe 4b). Yog teb rau cov neeg ruam raws li lawv txojkev ruam; ces yog ua phem pauj phem raws li txojkev phem thiab kev txhaum lawv ua, yog ua li ces cov menyuam kuj taug lawv txojkev ua txhaum, ua rau tus ntsujplig puastsuaj (saib Pajlug 22:24-25).
Tiamsis yog cheemtsum teb rau cov neeg ruam, ces ntawm no tus sau phau ntawv Pajlug hais tias: “Muab tej lus ruam teb rau tus neeg ruam tej lus nug” (nqe 5a), lub homphiaj yog ua kom tsis poob rau cov neeg txojkev xav tias yus ntse pheej mus dag luag ntxiv. Cov lus qhia hauv nqe 5 muaj lub ntsiab tias tus neeg ntse yuav tau teb kom cov neeg txhaum paub lawv qhov txhaum thaum lawv ua tsis zoo, ua ntxhov rau sawvdaws, coj sawvdaws ua tsis raws li Vajtswv Txojlus qhia. Txawm yog nws teb li ntawd ua rau muaj kev tsimtxom, txomnyem, thiab txaus ntshai rau cov neeg txhaum, tiamsis ntawm tus Tswv txojkev txawj ntse, peb kuj cheemtsum hais.
Cov ntseeg Yexus yuav tsum ua neej raws li Vajtswv txojkev hlub thiab kev ncaj ncees dawbhuv tus qauv. Nyob hauv txhua lub tsamthawj tsis txhob ua lossis koom nrog cov neeg ruam; tiamsis yuav tsum ua neej dawbhuv zoo ib yam li peb tus Tswv dawbhuv ua: “Nej tsis txhob ua phem pauj phem, yog leejtwg foom phem rau nej, nej tsis txhob foom phem pauj, tiamsis nej cia li thov Vajtswv foom koob hmoov rau nws. Rau qhov thaum Vajtswv hu nej los Vajtswv coglus tseg hais tias Vajtswv yuav foom koob hmoov rau nej” (I Petus 3:9). Dua li ntawd, peb kuj yuav tsum siv zog qhia Txojmoo Zoo kom txhua tus paub thiab tso txojkev txhaum tseg, tig los cuag Vajtswv. Dhau qhov ntawd, yuav muaj coob leej vamkhom tus Tswv ua neej ncaj ncees, dawbhuv. Thov Vaj Ntsujplig coj qhia peb txhua tus ua neej txaus nkaus hauv qhov tseeb kom muaj kev txawj ntse thaum teb lus rau cov neeg ruam.
Thov Vajtswv,
Peb tus Vajtswv uas yog kev hlub, ncaj ncees, dawbhuv, thov Koj pub txojkev txawj ntse rau nyuam yaus kom paub teb lus rau txhua tus neeg, tsis ua lossis tsis koom nrog cov neeg txhaum, tiamsis ua kom coj tau Txojmoo Zoo mus cawm txhua tus neeg. Nyuam yaus tuav Tswv Yexus lub npe thov, Amees.
Peb ua tib zoo saib kev hais lus zoo li cas thaum teb lus rau cov neeg ruam?
Nyeem Vajluskub hauv peb lub xyoos: I Kauleethaus 4
Kênh Youtube BHKTHN:
