Pajlug 16:20-24
Nqe cim:
“Cov neeg txawj ntse xub xav ua ntej mam li hais, lawv hais yam twg yeej txaus luag yuav. Tej lus mos lus muag qab zib li zib ntab, thiab zoo ib yam li hauv tshuaj kuab muaj tsuas rau koj lub cev”(nqe 23-24).
Lus nug rau sawvdaws xav:
– Lus txawj ntse pib qhovtwg tuaj thiab zoo licas?
– Peb pheej pom licas thaum cov yawg, cov leej txiv hauv tsevneeg hais lus?
– Tej lus hais tsis muaj kev txawj ntse ua hiam licas rau tej menyuam?
– Koj cheemtsum ua licas kom tej lus koj hais ua rau tus Tswv tau ntsejmuag thiab muaj kev txhim kho rau cov mloog?
Vajntxwv Xalumoos hais txog ob yam tseemceeb ntawm cov lus txawj ntse. Tim ib, lus txawj ntse yuav tsum yog pib hauv lub siab thoob tsib to nrog thiab muaj tswvyim tuaj (nqe 20-22). Tus neeg txawj ntse yog tus uas ua raws li qhov tseeb, ua tib zoo kawm Vajtswv Txojlus qhia. Yog li ntawd, lus txawj ntse qhia tawm lub siab ntseeg tus Tswv thiab txaus cov mloog yuav. Homphiaj ntawm cov lus txawj ntse yog coj tibneeg los txais txojsia. Tim ob, lus txawj ntse qhia tawm lub tswvyim (nqe 23-24). Tej lus hais yuav tsum yog lus mos lus muag, pab rau cov mloog totaub tus Tswv zoo. Lus txawj ntse tau Xalumoos muab piv: “qab zib li zib ntab, thiab zoo ib yam li hauv tshuaj kuab muaj tsuas rau koj lub cev”. Lus zoo yog tej lus mam xav mam hais, lus mos lus muag, lus kev hlub kho tau lwm tus lub siab.
Hauv cov neeg Nyablaj kev pam tuag, thaum hais txog qhov kev nco ntawm tus neeg tso ntiajteb tseg, tshwjxeeb yog cov yawg, cov leej txiv hauv tsevneeg, lawv pheej tham txog nws txojkev hlub, tej haujlwm nws nqis tes ua pab tsevneeg thiab tej menyuam xwb, lawv tsis tshua nyiam hais txog tej lus nws hais. Tsis tas li xwb, hauv qee tsevneeg, kuj muaj cov menyuam tu siab los ntawm tej lus uas cov pogyawg, niamtxiv tsis xyuam xim hais lossis cem hnyav thaum npautaws. Kuj muaj ntau lub tsevneeg sib faib vim tej lus hais thiab tes haujlwm tsis xav ua ntej mam hais ntawm cov niamtxiv. Kuj yog vim hais tej lus ruam, tsis muaj tswvyim ntawd thiaj ua rau pogyawg, niamtxiv, menyuam thiab tsevneeg tsis muaj kev sib raug zoo.
Thov Vajtswv pab rau cov ua niamtxiv, tshwjxeeb yog cov uas ua txiv kav lub cuabyig muaj lub siab tawv qhawv qhia tus Tswv txojkev txawj ntse rau tej menyuam, coj tej menyuam thiab lwm tus paub hwm tus Tswv thiab tig los nrhiav txojsia. Peb kuj thov Vajtswv pab rau cov niamtxiv paub tswj txojkev npautaws kom hais tau tej lus zoo, mos muag thiab qab zib zoo li zib ntab, ua kev zoo siab, kaj siab rau lub cuabyig, ua kom muaj kev sib haum nyob hauv Pawg Ntseeg thiab lub tebchaws.
Koj thov Vajtswv pab hloov yam dabtsi ntawm koj tus kheej kom hais tau lus txawj ntse, haum tus Tswv siab, thiab ua rau lwm tus zoo siab?
Thov Vajtswv,
Tus Tswv, nyuam yaus ua Koj tsaug vim Koj qhia nyuam yaus hais tej lus txawj ntse. Thov tus Tswv Koj pub rau nyuam yaus hais tau tej lus qhia tawm txojkev hlub, ncaj ncees thiab txojsia ntev dhawv mus ibtxhis rau cov mloog. Thov Koj pab kom kom nyuam yaus muaj lub tswvyim hais tau tej lus mos lus muag ua rau tsevneeg kaj siab, nyob sib raug zoo. Amees.
Nyeem Vajluskub hauv peb lub xyoo: Phau Ntawv Nkauj 81:1-82:8
Kênh Youtube BHKTHN:
