Tơdrong Pơđơ̆k 29:26
“Lơ bơngai chă tơdrong mơnat đơ̆ng yŏng pơgơ̆r, Mă-lei gơh đei jô̆ ‘lơ̆ng noh đơ̆ng Kră Yang ăn.” (Tơdrong Pơđơ̆k 29:26).
Nơ̆r jet tơchĕng pơwao:
– Pơtao Sôlômôn tơ’bôh rup ayơ ‘bơm kơ jơhngơ̆m pran kon bơngai?
– Kon bơngai đei gơnang kơ tơdrong noh thoi yơ?
– Lu bơ̆n kăl kơ đei jơhngơ̆m tơpăt ayơ hăm lu tơdrong ala teh âu?
Lăm chăl Pah so sơ̆, tơdrong tih pran noh sơ̆ pơtao bơih, yua kơ thoi noh na lơ bơngai “apinh” dah chơ chă “mơnat đơ̆ng Pơtao “lăp tơpă kơplah” mơnat đơ̆ng pơtao” pơma tơpă sư “Măt pơtao” muh măt tơ’bôh đei sơ’ngon, mơn kơ thoi yơ noh kơ minh ‘nu bơngai, đơ̆ng noh lơ bơngai gô lăng “muh măt” pơtao adrol kơ wă pơma păng pơm tơ’bôh hloi. Thoi noh, tơdrong pơđơ̆k đei pơma kơ lơ bơngai chă trong wă kơ pơtao lăp đon wă chơ chă “tơdrong tơchĕng” dah tơdrong ‘mêm kơ pơtao.
Na lăm noh Tơdrong Pơđơ̆k 29:25 pơma kơ hơđong hơ’năk hli kơ kon bơngai na trong 26 đei chih roi kơ tơdrong kơtul kơplah chang hơmĕng tơduă kon bơngai, mă khan noh pơtao. Athei băt nơ̆r Kră Yang ‘Bok Kei-Dei wă kơ lu bơ̆n pơyom kơ lu bơngai pơgơ̆r (Rôm 13:1-9). Mă khan lei ră, lăm Tơdrong Pơđơ̆k ‘nâu tơbăt tơdrong yoch glăi tơplơ̆ dơ̆ng, noh bơih tơdrong lu bơ̆n dan dôm tơdrong chang hơmĕng lăm tơdrong pă kiơ̆ kon bơngai bơ̆n na ưh pă ‘blŏk bơih đei Kră Yang ‘Bok Kei-Dei bơih gơh pơm tơdrong tơpăt sĭt gơh pơm hloi. Pơma pha ‘biơ̆, lu bơ̆n ưh kơ đei hiơt ôh lu bơngai pơgơ̆r tơ ala teh âu dai oei pơm lơ tơdrong yoch, tơdrong hlôh oei kơđeh mơ̆n, oei ngăl kơ hưch ham păng gleh lap (Tơdrong jang 24:25-27). Tơdrong kơ đei (I Kôrintô 2:6,8). Tơdrong ưh kơ hơđơ̆ng (Hơriso 146:3-4). Lu sư ưh kơ ‘lơ̆ng tôm, na lu bơ̆n athei kơchăng ‘nĕ kơ lui ngeh păng chang hơmĕng lu sư hloh kơ lui gơnang kơ Kră Yang (Hơriso 146:3-7).
Tơdrong ‘lơ̆ng tôm lăp chă ‘bôh lăm ‘Bok Kei-Dei đĕch yua kơ Sư Yang ‘bôh jơhngơ̆m kon bơngai păng Yang hơgei tôm tơdrong. Tơdrong sek tơlang tơpăt ‘Bok Kei-Dei ưh kơ ‘bôh lăm chăl âu, mălei sĭt tơpă gô pơm keh lăm năr sek tơlang tuch luch ning mônh (Rôm 2:5-6; II Kôrintô 5:10). Tơdrong ‘noh wă khan lu bơ̆n ưh kơ gơh sơ’ngon ôh kơplah lu bơngai pơgơ̆r ‘bôh dôm tơdrong ưh kơ ‘lơ̆ng bơ̆n, tơdrong glăi lu bơ̆n kăl kơ weh hăm tơdrong pơma pơm kơ bơngai noh sơ’ngon păng pơma pơjăm lu bơngai pơgơ̆r, dah mă ưh kơ bơngơ̆t tơdrong kơnê̆, tơdrong yoch.
Pơma pha ‘biơ̆, dah lu bơ̆n wă lui gơnang kơ Kră Yang noh bơih bơ̆n đei hơmĕng lăp minh đĕch gơh tơproh păng rơngei tơ ala teh âu, păng khul bơngai lui. Lu bơ̆n athei weh đơ̆ng jơhngơ̆m pơang dah ưh kơ lui ngeh kơ lu bơngai pơgơ̆r yua kơ lu sư kư̆m dai kon bơngai. ‘Bar tơdrong ‘nâu ưh kơ sĭ pơm kơ chăl arih Kră Yang, mălei pơm kơnê̆ kơ anăn Kră Yang ‘Bok Kei-Dei, Tơ’ngla mă gơh pơm dôm tơdrong.
Ơ Kră Yang, apinh Ih ăn kơ inh ling lang lăng tơ Ih păng kơjăp lui gơnang kơ tơdrong tơpăt Kră Yang ‘Bok Kei-Dei mă khan inh oei tơ’bơ̆p tơdrong ưh kơ ‘lơ̆ng tơpăt lăm ala teh âu. Krao khan yua anăn Kră Yang Yêsu Krist, Amen.
Bu mă lu bơ̆n oei lui gơnang?
Đŏk Sơ̆p Hla bơar ‘Bok Kei-Dei lăm pêng sơnăm: Hơriso 79-80
Kênh Youtube BHKTHN:
