1 Petus 4:15-19
Nqe cim:
“Tiamsis yog nej cov uas ntseeg Yexus Khetos, nej raug kev tsimtxom, nej cia li ua Vajtswv tsaug, nej tsis txhob txajmuag qhia rau cov neeg uas tsimtxom nej ntawd hais tias nej yog cov uas ntseeg Yexus Khetos” (1 Petus 4:16)
Lus nug xav:
– Cov ntseeg yuav ntsib tej kev txajmuag twg thiab vim li cas?
– Txoj kev txajmuag ntawd coj mus txog yam dabtsi?
– Vim li cas cov ntseeg tsis tsimnyog txajmuag rau tus Tswv lub npe?
– Peb ua neej li cas kom tsis txajmuag vim tus Tswv lub npe?
Ntau tus nrhiav txaus txhua txoj haukev khiav txoj kev txomnyem, thaum uas nyob hauv ib txoj kev twg uas yuav tsum tau xaiv thiab muaj qee tus tso kev ntseeg tseg. Tiamsis kuj muaj qee tus hnov txajmuag thaum tabtom raug kev txomnyem vim tus Tswv lub npe, lawv yws “Tos kuv raug kev txomnyem los vim kuv yog ib tug ntseeg”. Tiamsis qhov tseeb tiag, qhov uas lawv noj nyob yog qhov vimchiv ua rau lawv ntsib ntau txoj kev txomnyem. Vim li ntawd timthawj Petus thiaj ntuas cov ntseeg hais tias, “Nej tsis txhob tua neeg, tsis txhob ua tubsab, tsis txhob ua phem thiab tsis txhob thab plaub, yog leejtwg ua li no, tus ntawd yeej yuav raug kev txomnyem” (nqe15). Tus uas raug kev txomnyem vim yus tej haujlwm yuam kev ces tsis ua rau Vajtswv lubnpe raug qhuas thiab kiag yus los luag yuav saib tsis taus.
Hauv lub sijhawm uas timthawj Petus sau tsab ntawv no, muaj ntau tus neeg ua qhev, cov neeg txomnyem thiab cov Yudais tig los ntseeg Tswv Yexus. Lawv raug cov neeg Loos thuam thiab ua saib tsis taus thaum uas lawv “yog tus ntseeg Tswv Yexus”. Tiam ntawd, hu ib tug neeg ua tus ntseeg ces lub ntsiab hu thuam tus ntawd. Timthawj Petus ntuas nws cov kwvtij uas nws hlub hais tias tsis tsimnyog txajmuag vim tus Tswv lub npe, tiamsis cia li txhawb nqa Vajtswv thiab “…zoo siab kawg li, rau qhov Vajtswv pom zoo cia cov uas qhia Yexus zaj raug kev txajmuag” (Tes Haujlwm 5:41). Timthawj Paulus tau hais tawv qhawv hais tias, nws tsis txajmuag rau Txojmoo Zoo, “Txojmoo zoo yog Vajtswv lub hwjchim uas cawm tau txhua tus uas ntseeg dim” (Loos 1:16). Lwm seem, tes haujlwm uas Vajtswv tseg cia rau Nws cov menyuam tseem yuavtsum tiv kev txomnyem hauv ntiajteb no, kom ntxhuav thiab lim txhua tus ntseeg txoj kev ntseeg, yog cov uas tabtom nyob hauv Vajtswv thiab yog Nws Pawg ntseeg. Vim lub sijhawm txiav txim twb los ze lawd, Vajtswv kev txiav txim twb los yuav txog thiab yuav rau txim rua txhua tus uas tsis txais yuav Txojmoo Zoo (nqe 17).
Cia kom tsis txajmuag vim tus Tswv lub npe, txhua tus ntseeg yuav tsum vamkhom Vajtswv pab khiav deb kev txhaum, txiav txim siab tsis ua tej haujlwm yuam kev. Txhua hnub nrhiav Vajtswv tus dej siab dhau los ntawm Vajtswv Txojlus thiab ua neej raws Nws Txojlus qhia, ceev ruaj kev ntseeg kom hla dhau tej sim siab kev txomnyem. Cia kom peb tsis yws Vajtswv, peb yuav tsum zeem paub tiv kev txomnyem vim tus Tswv lub npe yog qhov uas Vajtswv siv los lim peb kev ntseeg. Vim lub sijhawm twb los yuav txog, txhua tus yuav tau sawv tabmeeg ntawm Vajtswv xubntiag thiab Vajtswv yuav muab nqi zog rau txhua tus uas tiv kev txomnyem vim Nws lub npe.
Thov Vajtswv,
Vajtswv, nyuam yaus thov qhuas Koj lub npe mus ib txhis. Thov pab nyuam yaus zeem paub tej kev sim siab, kev txomnyem yog ntxhuav thiab lim nyuam yaus kev ntseeg, kom nyuam yaus tsis txajmuag vim Koj lub npe, tiamsis qhuas Koj lub npe hauv txhua lub tsamthawj. Nyuam yaus tuav Tswv Yexus Khetos lub npe thov, Amees.
Koj puas txajmuag thaum koj yog tus ntseeg Tswv Yexus?
Nyeem Vajluskub hauv peb lub xyoos: Kalatias 2.
Kênh Youtube BHKTHN:
