Filipis 3:4-11
Nqe cim
“Kuv saib tej ntawd zoo ib yam li tej liamsim uas luag muab povtseg lawm xwb; kuv ua li ntawd kom kuv thiaj tau Yexus Khetos los ua kuv tus Tswv” (Filipis 3:8b)
Lus nug rau sawvdaws xav:
- Timthawj Paulus tsis saib tej uas yog nqaij tawv yog “tau”, tiamsis nws saib tej yam twg thiaj yog yam uas “tau”?
- Vim licas muaj cov ntawd thiaj yog “tau”?
- Xyoo tshiab peb xav “tau” dabtsi?
Thaum cov neeg ua kevcai txiav tawv cuav saib tej yam uas yog nqaij tawv li ua qhov txaus siab thiab khavtheeb, ces Timthawj Paulus saib “saib tej ntawd zoo ib yam li tej liamsim uas luag muab povtseg lawm xwb” (nqe 8). Saib zoo ib yam li “liam sim” txhais tau hais tias tsis muab tej ntawd saib tseemceeb, tsis muab tej ntawd saib hlob ua hiam txojkev xav thiab lub homphiaj peb ua haujlwm, tsis saib tej ntawd ua qhov txiav txim siab ua neej. Tiamsis Paulus hais tias “kuv ua kuv lub neej kom haum Yexus Khetos siab”, lub homphiaj yog kom tau Yexus Khetos, tau nyob hauv Nws, tau kev ncaj ncees, tau paub Nws, tau txais tus Tswv lub hwjchim uas sawv hauv qhov tuag rov qab los thiab tau nrog tus Tswv koom ib txojkev txomnyem (nqe 8-10). Muab tej uas lwm tus saib hais tias muaj nqis los pauv kom tau lub meejmom ua tus Tswv menyuam, tau txais kev muaj yeej hauv tus Tswv thiab tau koom ua ke hauv tus Tswv txojkev txomnyem, yog yam uas cov ntseeg Yexus xav tau.
Thaum ub, tus tub hluas npluanuj tuaj cuag Tswv Yexus nug lo lus “yog” heev, tiamsis thaum tus Tswv hais kom nws muab tej uas nws muaj muag thiab coj mus pab cov neeg txomnyem pauv lub neej ua ib tug thwjtim, ces tus tub hluas xaiv “yuam kev”, nws xaiv yuav tej uas nws muaj (Malakaus 10:17-22). Tom qab ntawd, Tswv Yexus txhais qhia rau cov thwjtim hais tias tsis muaj ib tug neeg twg vim tus Tswv es “tso” vajtse, kwvtij nkauj muam, liaj teb tseg… – raws li Timthawj Paulus hais “saib tej ntawd zoo ib yam li tej liamsim” – ces yuav tau txais“ib puas npaug” tej ntawd hauv lub neej tamsim no thiab lub neej nyob mus ibtxhis tom ntej (Lukas 10:29-30).
Xav kom lub xyoo tshiab muaj haujlwm ua tau nyiaj ntau, xav kom muaj kev sib haum yeej tsis txhaum, vim “Ib puas tsav yam uas zoo thiab ib puas tsav yam koob hmoov uas zoo kawg nkaus yeej yog Vajtswv pub rau peb” (Yakaunpaus 1:17a). Tiamsis, tej ntawd yuav dhau los ua teebmeem thaum lub siab ntshaw thiab nrhiav tej ntawd heev dua nrhiav kev paub tus Tswv, tsis muaj sijhawm rau tus Tswv, tsis ua neeg zoo tabmeeg tus Tswv.
Xyoo tshiab, peb xav tau thiab yuav tso homphiaj ua yam twg? “Nyob hauv tus Tswv”, “ua neeg ncaj ncees” thiab “paub tus Tswv” puas yog lub homphiaj uas peb npaj ua rau lub xyoo tshiab no? Cia li xyaum Timthawj Paulus tus qauv kom tau txais lub hwjchim muaj yeej ntawm tus Tswv, koom tau tus Tswv txojkev txomnyem, muaj kev hlub ib yam li tus Tswv, yog tej uas lub ntiajteb thiab tej kev tau zoo muab tsis tau pub rau peb.
Thov Vajtswv
Tus Tswv, nyuamyaus ua Koj tsaug vim nyuam yaus tau hla mus rau lub xyoo tshiab. Thov Koj pab kom nyuam yaus ntshaw thiab ntsia ntsoov lub homphiaj siv sijhawm rau Koj thiab kawm Koj Txojlus, paub ua neej haum Koj siab thiab paub Koj heev dua. Amees.
Peb puas saib tej uas Paulus saib tseemceeb zoo li yam uas “tau”?
Nyeem Vajluskub hauv peb lub xyoo: Exekees 16:15-43
Kênh Youtube BHKTHN:
