Ua Dua Ob Daim Txiag Zeb Tshiab – 29/12/2022

577

 

 

Khiavdim 34:1-4

Nqe cim:

“Mauxes thiaj txiav ob daim txiag zeb zoo li thawj ob daim, thiab tagkis sawv ntxov nws thiaj nqa ob daim txiag zeb ntawd nce mus rau saum Roob Xinais raws li tus Tswv hais rau nws lawm. (Khiavdim 34:4).

 

Lus nug rau sawvdaws xav:

  • Ob daim txiag zeb no thiab ob daim txiag zeb uas Mauxes tsoo tawg zoo sib thooj thiab txawv li cas?
  • Tus Tswv ob daim txiag zeb sau Nws tej kevcai tseemceeb li cas?
  • Peb kawm tau dabtsi hais txog qhov tseemceeb ntawm Vajtswv Txojlus hauv zaj kawm no?

Peb pom cov lus sau rau ob daim txiag zeb uas Mauxes tsoo tawg thiab ob daim tshiab zoo sib thooj, Vajtswv yog tus sau saum roob Xinais (nqe 1-2). Qhov txawv yog ob daim txiag zeb uas Mauxes tsoo tawg yog Vajtswv ua thiab muab rau Mauxes (Khiavdim 24:12; 31:18), ob daim txiag zeb ua dua tshiab yog Mauxes ua, nqa mus saum roob Xinais Vajtswv sau Kaum Nqe Kevcai rau (nqe 4).

Mauxes chim heev nws muab ob daim txiag zeb uas sau tus Tswv Kaum Nqe Kevcai tsoo tawg, vim pom cov pejxeem pe tus mlom nyuj, txawm qhov no yog kev npautaws ncaj ncees los tus Tswv xav qhia rau Mauxes paub txog nqi zog thaum tsis tswj kev npautaws. Qhov uas rov ua dua ob daim txiag zeb sau kevcai muaj ntau yam kev txhawj thiab poob dag zog ntau. Tsuas tshuav tib hnub rau Mauxes ua ob daim txiag zeb xwb, sawv ntxov hnub tom qab ces twb nqa mus saum roob Xinais siab li 2.285 tshim, ntu kev Mauxes nce mus saum roob deb thiab ris hnyav heev. Zaum ua ntej, muaj Yausuas nrog Mauxes mus ntu kev ntawd pab, tiamsis zaum no Mauxes tib leeg mus xwb (nqe 3). Thaum npautaws tuaj, ntau leej muab yam ub yam tsoo pov tseg, tom qab ntawd lawv khwv txomnyem ntsuav mam rov yuav tau yam ntawd. Tseem phem dua qhov ntawd yog hais lus thaum npautaws ua rau tej txheebze, phoojywg lossis cov neeg ua haujlwm ua ke poob siab thiab tsis muaj kev sib raug zoo. Vajtswv Txojlus qhia: “Cov kwvtij uas kuv hlub, nej yuav tsum nco ntsoov hais tias txhua tus yuav tsum kub siab lug mloog, tiamsis tsis txhob maj hais thiab tsis txhob chim sai.” (Yakaunpaus 1:19). “Ua tau siab ntev zoo dua li muaj zog. Koj tswj tau koj lub siab zoo dua li koj ntaus yeej lub nroog. (Pajlug 16:32).

Ob daim txiag zeb tseemceeb heev, vim yog txaug Vajtswv “Kaum Nqe Kevcai” rau saud. Dua li ntawd, tseem yog qhov khoom dawbhuv uas Vajtswv txhais tes sau. Tagnrho tej kevcai thiab cov cev Vajtswv lus ntawm haivneeg Yixalayees puavleej muab Vajtswv Kaum Nqe Kevcai los hais. Txij ntawd los Vajtswv Txojlus tau muab sau rau tibneeg nyeem. Qhov uas sau Vajtswv Txojlus rau saum tej tawv tsiaj lossis tej tawv ntoo tom qab no, cov neeg sau yeej ua tib zoo sau, tshuaj saib ntau zaus saib puas yuam kev thiab puas tau txaus. Phau Vajluskub yog Vajtswv Txojlus uas Nws haivneeg saib muaj nqis, tuav cia thiab ua tib zoo ua raws nraim li ntawd ib tiam dhau rau ib tiam los.

 

Thov Vajtswv,

Tus Tswv, thov Koj pab kom nyuam yaus paub saib Koj Txojlus muaj nqis, kawm thiab ua raws nraim li Koj qhia. Thov Koj ua kom nyuam yaus muaj lub siab hlub, txo hwjchim thiab ua siab ntev, nyuam yaus thiaj tswj taus lub siab, tej lus hais thaum npautaws. Amees.

Peb puas vamkhom tus Tswv txojkev hlub tswj txojkev npautaws?

Nyeem Vajluskub hauv peb lub xyoos: Yelemis 49:23-39

Kênh Youtube BHKTHN:

https://www.youtube.com/c/bhkthn

Bài trướcPhú Yên: Điểm Nhóm Buôn Ly Có Nhà Nguyện Mới
Bài tiếp theoLŏ Mkra Dua Pŏk Mdhă Boh Tâo Klei Bhiăn Mrâo – 29/12/2022