Kalatias 3:1-14
Nqe cim:
“Ua li cas nej yuav ruam ua luaj li! Thaum chivthawj nej twb ua raws li Vajtswv tus Ntsujplig qhia nej lawm, tiamsis nimno nej ho yuav siv nej lub dag lub zog ua kom tej ntawd tiav los?” (Kalatias 3:3)
Lus nug rau sawvdaws xav:
– Timthawj Paulus siv lo lus twg los hais txog cov neeg Kalatias?
– Vim li cas Paulus cem lawv hnyav npaum li ntawd?
– Paulus siv cov lus twg los hais rau lawv?
– Zaj kawm no qhia rau peb li cas?
Thawj lo lus, Timthawj Paulus twb cem cov neeg Kalatias tias ua cas lawv yuav maj muab Yexus Khetos Txojmoo Zoo tso tseg mus raws lwm txojmoo zoo lawm, thiab Paulus cem lawv ob zaug lo lus “ruam” (nqe 1, 3). Paulus muab ob seem los hais: hais ntawm nws tus kheej (nqe 1-5) thiab muab yawgkoob Anplahas los hais (nqe 6-14).
Hais txog seem tus kheej, Timthawj Paulus siv ntau lo lus nug kom lawv pom lawv qhov teebmeem: lawv twb paub meej hais txog Yexus Khetos txojkev tuag txhiv, lawv twb tau txais Vaj Ntsujplig los ntawm qhov uas lawv hnov qhia thiab txais yuav Yexus, lawv twb muaj Vaj Ntsujplig lawm, qhov teebmeem yog “Thaum chivthawj nej twb ua raws li Vajtswv tus Ntsujplig qhia nej lawm, tiamsis nimno nej ho yuav siv nej lub dag lub zog ua kom tej ntawd tiav los.” (nqe 3). Hais txog seem thib ob, Timthawj Paulus qhia paub tias yawgkoob Anplahas tsis yog tus neeg uas tau cawm dim los ntawm txojkev ntseeg xwb, “Vajtswv txojlus twb xub qhia tseg lawm hais tias, Vajtswv yuav coj lwm haivneeg uas ntseeg los nrog Vajtswv sib raug zoo” thiab (nqe 8).
Qhov zoo ntawm ob seem uas Paulus hais no, tsis yog hais ntau rau lo lus “tau suav tias ncaj ncees vim ntseeg” tiamsis yog hais tias “Vajtswv pub Vaj Ntsujplig” (nqe 2, 3, 5 thiab 14), kuj ib yam li lo lus “tau koob hmoov” lossis “foom tsis zoo” (nqe 8, 9, 10, 13, 14). Raws li Paulus hais, qhov uas tau suav tias ncaj ncees vim yog ntseeg. Qhov ntawd ua rau tus ntseeg Vajtswv muaj zog sab hauv ua neej nrog koob hmoov, nws tsis yog ua neej txomnyem ntsuav vim coj txoj kevcai. Yog li ntawd, cov neeg uas txais Vaj Ntsujplig los ntawm txojkev ntseeg kuj cia siab rau Vaj Ntsujplig xwb, tsis cia siab rau sab nqaij tawv.
Coob leej ntau tus hauv peb zoo siab txais yuav kev ntseeg thiab los ua tus ntseeg Yexus, yog vim paub tseeb tias qhov ntawd yog Vajtswv “pub rau peb”, tsis yog siv zog ua peb tau. Tiamsis qhov uas xav tsis thoob yog tom qab uas peb tau txais txoj koob hmoov ntawd, peb cia li mus ua tej haujlwm “zoo” kom thiaj ruaj siab tau txojkev cawm dim, xws li peb “yuav tsum” mus tom tuamtsev pehawm, “yuav tsum” nyeem Vajtswv Txojlus, “yuav tsum” ua haujlwm, “yuav tsum” coj raws li txoj kevcai, yog tsis coj, peb “ntshai” raug foom tsis zoo, raug tus Tswv rau txim. Tseeb tiag, cov ntseeg Yexus tiag yeej ua tej yam no, tiamsis peb ua los ntawm qhov uas Vaj Ntsujplig nyob hauv peb kom ua, vim qhov no yog koob hmoov tsis yog kev foom tsis zoo thaum yus tsis ua. Thov Vajtswv pab kom peb txhua tus txais yuav Vaj Ntsujplig lub zog kom peb thiaj ua tau raws li Vaj Ntsujplig qhia.
Thov Vajtswv,
Tus Tswv, nyuam yaus ua Koj tsaug vim nyuam yaus tsis yog tau Koj cawm dim los ntawm Koj txoj koob hmoov hlub xwb, Koj tseem pub nyuam yaus ua lub neej ntseeg puv npo koob hmoov thiab. Thov pab kom nyuam yaus cia siab ntsoov rau Vaj Ntsujplig thiab txhais ruam nrog Koj mus txhua hnub. Tuav Tswv Yexus lub npe thov, Amees.
Peb tau txais yam dabtsi ntawm tus tswv? Peb tabtom nrog tus Tswv zoo li cas?
Nyeem Vajluskub hauv peb lub xyoo: I Vajntxwv 15
Kênh Youtube BHKTHN:
