Yelemis 46:1-26
Nqe cim:
“Tiamsis tus Tswv nug hais tias, “Kuv pom dabtsi? Lawv ntshai thiab thim rov qab. Lawv cov tubrog raug tua ua rau lawv ntshai thiab khiav tsis saib qab li…. Hnub no yog tus Tswv uas kav ib puas tsav yam thiab muaj hwjchim loj kawg nkaus hnub: hnub no nws yuav ua pauj; hnub no nws yuav rau txim rau nws cov yeebncuab…” (Yelemis 46:5, 10a).
Lus nug rau sawvdaws xav:
– Leejtwg cevlus txog kev swb tsam ntawm cov tub rog Iziv?
– Vim licas lawv thiaj raug “kev txhawj kev ntshai muaj rau txhua fab” li ntawd?
– Dhau zaj xwm cov Iziv raug txiav txim, koj txais tau kev qhuab ntuas licas?
Los ntawm tus cevlus Yelemis, tus Tswv tau tshajtawm txog kev txiav txim rau cov neeg Iziv, txij li vajntxwv, cov tub rog, cov pejxeem mus rau tagnrho lub tebchaws. Lub tebchaws Iziv uas muaj zog nimno raug kev puastsuaj huv tibsi lawm. Vajluskub tau sau tseg li no: “Lawv cov tub rog raug tua ua rau lawv ntshai thiab khiav tsis saib qab li” (nqe 5), “Nws rab ntaj yuav noj lawv tej nqaij kom tsau thiab haus lawv tej ntshav kom txaus siab” (nqe 10), “Txhua haivneeg hnov nej tej kev txajmuag, thiab txhua tus hnov nej quaj. Tej tubrog sib dawm ntog rau hauv av” (nqe 12), “rau qhov yuav muaj kev tsov kev rog tuaj ua kom nej puastsuaj” (nqe 14), “Nej cov tubrog dawm ntog tas lawm” (nqe 16), “Meefis yuav ua suabpuam tsis muaj neeg nyob” (nqe 19), “Txawm yog tej tubrog uas nws ntiav tuaj pab nws… Lawv tiv tsis tau tej kev sib ntaus sib tua; lawv thim khiav rov qab” (nqe 21)… Kev txiav txim tshwmsim sai thiab hnyav txog qib uas “Txawm yog cov uas khiav ceev heev los yeej khiav tsis dhau” (nqe 6), thiab lawv tej tshuaj los kho tsis tau lawv tej qhov txhab lossis lawv yuav khiav tsis dim (nqe 11). Tej lo lus xws li “ua pauj”, “rau txim”, “muab…cob”… qhia pom qhov txaus ntshai ntawm kev txiavtxim no loj npaum cas. Tej chaw nyob, tej tus neeg tau hais txog nrog rau tej uas lawv yuav raug qhia pom hais tias, tus Tswv yuav tsis zam dhau ib yam me me twg, Nws yuav rau txim ncaj ncees li Nws tej lus hais tseg hais tias: “Kuv yuav rhuav txhua haivneeg uas kuv ntiab nej mus nrog nyob kom puastsuaj” (nqe 28).
Lub txim no txaus ntshai kawg li, tiamsis phim rau tej kev txhaum uas vajntxwv thiab cov Iziv tau ua rau Vajtswv thiab Nws haivneeg. Nyob hauv Vajluskub, cov Iziv pheej raug piv li lub ntiajteb uas muaj kev txhaum. Vim li ntawd, dhau ntawm tus Tswv kev txiav txim, peb tau qhuab ntuas txog tus Tswv lub hwjchim tswjkav txhua haivneeg, txhua lub tebchaws thiab yim ua rau peb ruaj siab rau Nws tej lus hais tias thaum txog hnub kawg Nws yuav txiav txim rau lub ntiajteb uas muaj kev txhaum. Tej zaum qhov chaw peb nyob tabtom puv npo tej kev txhaum, kev tsis ncaj ncees, coob tug tsis hwm tus Tswv thiab niaj hnub ua tej kev txhaum. Tiamsis cia li ruaj siab rau Vajtswv tus uas peb tabtom pehawm, Nws yog tus uas paub txhua yam, pom txhua yam thiab Nws yuav tuaj Nws haivneeg tog txhua lub sijhawm.
Thov Vajtswv
Tus Tswv uas muaj hwjchim loj kawg nkaus! Nyuam yaus qhuas Koj lub npe thiab Koj lub hwjchim. Thov ua Koj tsaug vim nyuam yaus tau kawm txog Koj lub hwjchim tswjkav txhua lub tebchaws, txhua haivneeg. Thov pab nyuam yaus niaj hnub ua neej ntseeg Koj vim paub hais tias Koj yuav tuaj nyuam yaus tog raws li Koj tau coglus tseg lawm. Amees.
Peb puas ntseeg hais tias tus Tswv muaj hwjchim tswjkav txhua lub tebchaws, thiab txhua haivneeg?
Nyeem Vajluskub hauv peb lub xyoos: Lukas 22:1-38
Kênh Youtube BHKTHN:
