II Kauleethaus 12:7-10
Nqe cim:
“Kuv twb thov Vajtswv kho kuv qhov mob ntawd peb zaug lawm.” (II Kauleethaus 12:8)
Lus nug rau sawvdaws xav:
– Ua ntej ntsib teebmeem, Timthawj Paulus thov Vajtswv tas siab zoo li cas?
– Paulus tus cwjpwm thiab kev ua thaum tus Tswv teb nws tej lus thov li cas?
– Peb muaj tus cwjpwm li cas thaum tus Tswv tej lus teb tsis raws li peb tej lus thov?
Timthawj Paulus twb ntsib ntau yam kev txomnyem thiab kev tawmtsam hauv nws lub neej ua Vajtswv haujlwm (II Kauleethaus 11:23-29). Tiamsis zaum no Paulus tabtom ntsib raug kiag nws lub cev thiab lub zog. Qhov no zoo li chob kiag Paulus cev nqaij. Txawm yog Paulus tsis qhia paub meej los peb paub tau hais tias qhov ntawd yog teebmeem ua rau nws mob siab heev, qee zaus ua rau nws ua tsis tau haujlwm. Txhua zaus “tus ntsia chob” ua rau nyuaj siab ces Paulus xav kom thov Vajtswv cia dhau mus. Yog li ntawd, Paulus thov Vajtswv peb zaug kom nws dhau mus. Tiamsis Vajtswv hais rau Timthawj Paulus hais tias: “Kuv pom zoo hlub koj ces txaus lawm.” Vajtswv tsis yog nyob twjywm saib Paulus txojkev nyuaj siab lossis tsis kho nws, tiamsis Nws xav kom Paulus pom Vajtswv lub zog nyob hauv nws. Vajtswv hais khov kho hais tias, “kuv yuav pub kuv lub hwjchim rau tus uas qaug zog” (nqe 9) kom Timthawj Paulus ua tiag tiv kev qaug zog thiaj tau txais tus Tswv lub zog txaus nkaus. Tej no yog hom phiaj rau peb cov ntseeg ua neej, vim yim muaj kev qaug zog, peb yim tau txais dag zog thiab koob hmoov Vajtswv pub.
Timthawj Paulus zoo siab txais yuav Vajtswv lo lus teb rau nws thiab nws twb tau txais txoj koob hmoov uas yog lub zog tus Tswv pub rau nws lub neej. Yog li, Paulus txaus siab hlo “ua Yexus Khetos tes haujlwm,…txawm yog kuv qaug zog, raug luag thuam, raug kev txomnyem, raug kev tsimtxom, raug kev nyuaj siab los kuv yeej zoo siab, rau qhov thaum kuv qaug zog thaum ntawd kuv yuav muaj zog.” (nqe 10). Timthawj zeem paub “tus ntsia chob” yog tus Tswv kev qhia nws ua neeg txo hwjchim tabmeeg Vajtswv lub hwjchim.
Yog peb pom tau tias khavtheeb khav txiv, kom peb yuav tau txais lub koob npe tiam no ces tsis yog lub koob npe Vajtswv pub. Yog li ntawd, qee zaus thaum Vajtswv ua rau cov neeg muaj zog dhau mus ua neeg tsis muaj zog los twb yog cia kom Vajtswv qhia tshwm Nws lub hwjchim meej dua. Muaj tej yam kev sim siab, mob nkeeg, txomnyem tshwm los raug peb ua rau peb tsis totaub, thiab tsuas paub thov Vajtswv pab xwb, tiamsis dhau Paulus lub neej peb kawm paub hais tias Vajtswv tso cai tej ntawd tshwm sim kom ua tiav Nws lub homphiaj uas zoo kawg nkaus pub rau peb. Ua neej ntseeg Vajtswv tej koob hmoov yog txaus siab rau tagnrho txhua yam uas Vajtswv pub rau peb hauv Yexus Khetos. Nov yog lub homphiaj ntawm txojkev qaug zog thiab txomnyem uas peb raug.
Thov Vajtswv,
Tus Tswv, thov Koj pab kom nyuam yaus rau siab ntso thov Vajtswv thaum raug kev txomnyem, tiamsis kuj txaus siab hlo thiab zoo siab txais Koj tej lus teb thaum nyuam yaus tsis totaub. Thov Koj cia nyuam yaus tau txais Koj lub zog thaum qaug zog. Nyuam yaus tuav Tswv Yexus lub npe thov, Amees.
Peb puas mloog Vajtswv lus thaum Nws daws peb tej teebmeem raws li Nws siab nyiam?
Nyeem Vajluskub hauv peb lub xyoo: Yaxayas 66
Kênh Youtube BHKTHN:
