Lukas 2:41-52
Nqe cim:
“Neb yuav nrhiav kuv ua dabtsi? Neb tsis paub hais tias kuv yuav nyob hauv kuv Txiv lub tsev no los?” (Lukas 2:49).
Lus nug rau sawvdaws xav:
- Zaj xwm dabtsi tshwmsim thaum Tswv Yexus muaj 12 xyoos?
- Raws li peb sawvdaws, cov lus Tswv Yexus teb Nws niam Nws txiv muaj lub ntsiab li cas?
- Vim li cas tom qab uas teb hais tias “kuv yuav nyob hauv kuv Txiv lub tsev”, Tswv Yexus cia li nrog niam thiab txiv mus?
- Yuav ua li cas kom tsis hnov qab tus Tswv lub meejmom thiab tej uas peb tau txais nyob rau lub koobtsheej nco txog Yexus los yug xyoo no?
Hais raws li tibneeg, qhov uas Yauxej thiab Malis txhawj mus nrhiav Tswv Yexus peb hnub mam pom Yexus mas yog ib qhov zoo lawm (nqe 41-46). Thaum nrhiav tau, Malis hais tias: “Metub, ua li cas koj yuav ua li no rau wb? Koj txiv wb nrhiav koj thiab txhawj koj kawg li.” (nqe 48). Qhov uas nkawd yws tus metub tom qab uas nrhiav tau peb hnub thiab tseem zaum nrog cov xibhwb qhia Vajtswv txoj kevcai hauv lub Tuamtsev yeej yog kev. Tsis muaj ib tug niamtxiv twg uas tsis paub txhawj thiab yws menyuam thaum nyob rau lub tsamthawj zoo li ntawd?
Txawm yog li ntawd los, thaum hnov cov lus niamtxiv hais, Tswv Yexus teb hais tias: “Neb yuav nrhiav kuv ua dabtsi? Neb tsis paub hais tias kuv yuav nyob hauv kuv Txiv lub tsev no los?” (nqe 49). Puas yog Tswv Yexus “cav ncauj heev” thaum nrog niamtxiv sib tham? Yauxej thiab Malis cov lus yws, Tswv Yexus cov lus teb, tau Lukas hais li no “Tiamsis nkawd tsis totaub tej lus uas nws hais ntawd.” (nqe 50), thiab qhov uas tom qab ntawd Tswv Yexus nrog nkawd rov mus pem lub nroog Naxales thiab “mloog nkawd lus” (nqe 51) qhia paub hais tias ntev mus ntev tuaj, Yauxej thiab Malis saib tus Tswv zoo ib yam li nkawd ib tug menyuam lawm xwb. Nws yog ib tug uas ua rau nkawd txhawj xwb tsis yog tus uas nrog nkawd nyob kom muaj kev kaj siab, zoo siab zoo li uas nkawd ib txwm paub. Nkawd hnov qab hais tias Tswv Yexus muaj dua Leej Txiv, Nws yog tus uas “dawbhuv”, “Vajtswv tus Tub” (Lukas 1:35), “Vajtswv tus uas muaj hwjchim loj kawg nkaus” tus Tub, yog tus Vajntxwv uas los ntawm Vajntxwv Daviv cajces (Lukas 1:32-33). Nkawd qhia Tswv Yexus dhau kaum lub xyoo, tej zaum nkawd twb hnov qab tus Tswv lub meejmom. Thiab vim li ntawd, Yauxej thiab Malis cheemtsum rov nco txog raws li lo lus hais tias“Nws niam khaws tej lus ntawd rau nruab siab” (nqe 51).
Lub caij ua koobtsheej nco txog Tswv Yexus los yug, peb tau kawm paub txog Tswv Yexus txojkev hlub thiab lub meejmom. Peb muaj kev zoo siab, pehawm Nws, kub siab lug hu nkaus qhuas Nws. Tiamsis tom qab peb ua neej raws lub ntiajteb, thiab yim hnub yim saib tus Tswv zoo li “ib tug neeg”, txhais tau hais tias peb tsis nco hais tias Nws yog tus Tswv, yog Vajntxwv ntawm peb, yog qhov uas peb qhuas, zoo siab, tau koob hmoov.
Thov Vajtswv,
Tswv Yexus, nyuam yaus ua Koj tsaug vim Koj los pub txojkev zoo siab, cia siab, kaj siab thiab kev hlub. Thov Koj pab kom tej kev ua neej txhua hnub txhob ua rau nyuam yaus tsis nco txog Koj yog Vajntxwv, yog tus Tswv ntawm nyuam yaus lub neej. Amees.
Peb puas zeem paub tus Tswv yog Vajntxwv, tus Tswv ntawm peb lub neej?
Nyeem Vajluskub hauv peb lub xyoos: Yelemis 46:20-47:7
Kênh Youtube BHKTHN:
