Pajlug 25:8-10
Nqe cim:
“Yog Koj thiab Koj tej phoojywg zejzog muaj tej lus tsis sib haum xeeb, neb cia li sib hais neb kom tas, tsis txhob muab hais ncha teb ncha chaw” (Pajlug 25:9)
Lus nug rau sawvdaws xav:
– Vajntxwv Xalumoos qhia tej lus txawjntse twg rau tus tub? Muaj qhov tseemceeb twg yuavtsum nco? Vim li cas?
– Peb yuavtsum ua tib zoo tswj peb tej lus hais li cas thaum daws kev teebmeem?
Vajntxwv Xalumoos tau qhia nws tus tub txog tej lus txawjntse thaum muaj teebmeem nrog tej neeg zej zog, ntawd yog vim muaj ntau yam tsis nkag siab xwb, yog li ntawd, tsis txhob maj rawm siv kevcai rho “timkhawv” mus rau hauv tsev tu plaub lossis tshaj tawm rau txhua tus paub. Tiamsis cia li ncaj nraim mus ntsib tus ua txhaum nrog nws sib tham yuav zoo dua li tej lus hais tom nraubqaum tuaj, tej xwm uas tsis muaj timkhawv, thiab tej neeg sab nraud yuav txhaub peb nyob tsis tus. Cia li ncaj nraim mus rau ntawm tus” phoojywg zejzog” thiab rau siab ntso daws tej teeb meem twj ywm, cia li siv kev ncaj, kev hwm los sib tham.
Tiamsis muaj ib qho tseemceeb heev yuavtsum nco thaum nrog tus phoojywg zejzog sib tham “tsis txhob muab hais ncha teb ncha chaw”. Qhov no muaj ob lub ntsiab tim 1, tsis txhob muab tej xwm uas yog Koj thiab Koj tus phoojywg zejzog li hais tawm rau lwm tus paub los daws Koj zaj thiab hais phem rau Koj tus phoojywg zejzog. Tim 2, tsis txhob hais tawm lossis hais txog lwm tus sab nraud zaj, tshwj neb ob tug uas tabtom muaj teebmeem xwb, vim kev hais tawm lwm tus zaj hauv luag tus kheej ces yuav yog kev txajmuag kawg li (Pajlug 11:13). Hais rau lwm seem, tsis hais yam dab tsi twg, tsis tsimnyog muab lwm tus hais phem los daws yus zaj. Ib tug neeg raug nws cov phooj ywg yaum kom qhia lwm tus tej xwm rau lawv. Nws nug lawv tias: “Koj puas zais tau tej lus no cia?” Lawv teb: kuv tabpov tej zaum yuav zais tau. Nws hais tias: “kuv los ib yam li”, thiab tsis kam hais ntxiv dab tsi lawm!
Vimchiv uas Vajntxwv Xalumoos hais txog qhov uas yuavtsum nco li no, vim hais tias yog Koj ua saib tsis taus lwm tus tej lus uas zais cia “ces Koj yuav txajmuag mus li”nqe lus no muaj lub ntsiab hais tias “Koj lolus hais luag phem yuav tsis tig rov qab” (nqe 10b), tej lus uas Koj hais phem lwm tus yuav kho tsis tau thiab yuav tsis muaj hnub thim tau tej lus ntawd rov qab li. Vajntxwv Xalumoos xav qhia tias yog Koj ua kom muaj kev sib cav sib ceg dav ntxiv thiab rub lwm tus sab nraud los rau hauv, ces Koj tseem phem tshaj tus uas tabtom nrog Koj ua teebmeem.
Yog hais tias peb tsis ua tib zoo tswj peb tej lus, yuav muaj ntau tus luag tsis ntseeg siab rau peb thiab lub npe phem yuav nyob nrog peb tsis txawj ploj mus. Yog li ntawd, thaum muaj kev tsis sib haum, peb yuav tsum ceevfaj tej lus uas peb hais hauv lub sijhawm uas kub kub. Peb yuav tsum tsis txhob nthuav tawm txhua yam uas peb paub los hais kom yeej kev sib cav. Yog tsis ua li ntawd, peb yuav yeej ib npluav rog tiamsis peb yuav swb tagnrog hauv ntsug kev ua rog.
Thov Vajtswv:
Tus Tswv, thov Koj pab nyuam yaus ua lub neej muaj kev hlub, kev hwm, thiab muaj kev ncaj ncees nrog rau txhua tus, tshwjxeeb yog cov ntseeg, kom nyuamyaus tsis raug dab ntxwgnyoog siv tsim muaj kev kub ntxhov thiab kev sib cais, tiamsis txhawb tau pawg ntseeg loj hlob sib koom siab ua ke. Nyuam yaus tuav Cawmseej Tswv Yexus lub npe thov, Amees.
Ib tsoom mloog uas hmov tshua,
Peb yuavtsum tau hloov kev daws teebmeem li cas?
Nyeem Vajluskub hauv peb lub xyoos: Yausuas 18
Kênh Youtube BHKTHN:
