Pajlug 26:13-16
Nqe cim:
“Tus neeg tubnkeeg yuav xav hais tias nws ntse dua xya tus txivneej muaj tswvyim uas teb tau luag tej lus” (Pajlug 26:16)
Lus nug xav:
– Ntu Vajluskub no piav txog tus neeg tubnkeeg lolus hais thiab nws tes haujlwm li cas?
– Dhau zaj kawm hnub no ntuas peb yam dabtsi?
Dhau Pajlug 26:13-16, peb nrhiav pom ib tug duab ciaj sia txog tus neeg tubnkeeg, ntawm nws tej lus hais daws nws zaj, kev nkim dag zog, thiab nws txoj kev khavtheeb.
Xubthawj, kev tubnkeeg saib los ntawm tej lus hais daws yus zaj. “Tus tubnkeeg hais tias, “Muaj tsov ntxhuav nyob tom kev” (nqe 13 HMOWSV). Tus neeg tubnkeeg xav tawm kev txaus ntshai cia kom tsis tau ua haujlwm. Tsimnyog tiv kev sim siab los ntawm lub siab tawv thiab kev ntseeg, tiamsis tus neeg tubnkeeg hais tawm tej lus tsis muaj tseeb los daws nws zaj cia kom tsis tau ua haujlwm. Tseem muaj yam dabtsi nkeeg tshaj thaum uas hais tias muaj tsov ntxhuav nyob ntawm ntug nroog! Tej lus hais daws no tsis ua rau loj hlob tiamsis tsuas yog khi tus neeg tubnkeeg cia hauv kev tsis mloog lus. Tus neeg nquag tseeb tiag yog nws cia siab rau Vajtswv pub dag zog thiab nrhais ruam mus, thaum muaj kev txomnyem los tsis ntshai.
Tim 2, kev tubnkeeg nkim dag zog tiamsis tsis tau txais nqi zog dabtsi, zoo li lub qhovrooj uas qoj mus qoj los tiamsis mus tsis tau qhov twg (nqe 14). Tus neeg tubnkeeg tej thaum nws yuav zam dhau kev txomnyem tiamsis nws lub neej yuav tsis muaj dabtsi nce. Hais rau lwm seem, tus neeg tubnkeeg cev diav mus hais mov hauv lub tais twb laj nqa los rau ntawm qhov ncauj (nqe 15; Pajlug 19:24). Nov yog tus duab ntawm tus neeg uas tsis paub siv lub zoo sijhawm, muaj txaus yam uas cheem tsum tuav rawv ntawm tes, tiamsis ho tsis muaj lub siab xav ua kom tiav txoj haujlwm ntawd. Kev tubnkeeg tau so nyob, ua rau lub dag zog qhuav zuj zus, yuav ua rau lub neej sab ntsujplig nrog rau sab nqaij tawv dhau los tsis muaj zog.
Tim 3, kev tubnkeeg pib los ntawm txoj kev khavtheeb. “Tus uas tub nkeeg pom tias nws ntse dua xya leej uas teb tau tej lus thoob tsib to nrog” (nqe 16 HMOWSV). Tus neeg tubnkeeg tsis yog khiav tsis ua haujlwm xwb tiamsis kuj tsis kam txais yuav luag tej lus qhuab ntuas vim xav hais tias yus ntse dua lwm tus. Kev tubnkeeg tsis yog nkim sijhawm xwb tiamsis tseem muaj lub siab tawv thiab khavtheeb. Txoj kev txawjntse tiag mas yuav tsum txo hwjchim, paub tig qhov ntsej mloog, kawm thiab ua raws li Vajtswv Txojlus.
Ntu Vajluskub hnub no ntuas peb yuavtsum tshuaj xyuas yus dua. Ntau zaus peb hais daws peb zaj rau kev tubnkeeg los ntawm qhov uas xav hais tias yus ntse dua lwm tus. Pivxam li yus xav hais tias yus ntse dua niam txiv, lossis tus tswv uas yus ua zog es tubnkeeg tsis ua haujlwm. Timthawj Paulus qhia hais tias: “Txhua yam uas nej ua, nej yuav tsum rau siab ntso ua ib yam li nej ua rau Vajtswv, tsis yog nej ua rau neeg” (Kaulauxais 3:23). Kev nquag lub homphiaj tsis yog kom tau txais nqi zog xwb, tiamsis tseem yog cia kom txhawb nqa Vajtswv. Thov Vajtswv pab kom peb tso tseg kev tubnkeeg thiab nrhais ruam rau kev nquag. Tsis txhob hais daws yus zaj tiamsis tso siab plhuav rau Vajtswv hauv txhua lub tsamthawj. Tsis txhob khavtheeb, cia li txo hwjchim, mloog Vajtswv lus thiab tej neeg ntse tej lus qhuab ntuas.
Thov Vajtswv,
Vajtswv, thov Koj zam txim rau nyuam yaus, vim muaj ntau zaus nyuam yaus tau hais hais daws nyuam yaus kev tubnkeeg. Thov qhia nyuam yaus nquag rau kev ua haujlwm, tsis yog xav tau nqi zog tiamsis yog ua cia los txhawb nqa Koj. Thov pub nyuam yaus muaj txaus dag zog hla dhau txoj kev tubnkeeg thiab txo hwjchim, nquag mus raws li Koj Txojlus qhia. Nyuam yaus tuav Tswv Yexus Khetos lub npe thov, Amees.
Peb puas txeev muaj tej lus hais daws yus zaj rau peb tus cwjpwm tubnkeeg?
Nyeem Vajluskub hauv peb lub xyoos: : Exekees 23
Kênh Youtube BHKTHN:
