Pajlug 6:6-11
Nqe cim:
“Tus neeg tubnkeeg, koj cia li mus saib ntsaum, saib ntsaum ua ntsaum lub neej li cas, koj thiaj li muaj tswvyim” (Pajlug 6:6)
Lus nug rau sawvdaws xav:
– Ntsaum muaj tej yam dabtsi twg?
– Vajntxwv Xalumoos siv tus duab ntawm ntsaum los qhia tus neeg tubnkeeg zaj kawm dabtsi?
– Peb kawm tau Vajtswv muaj kev hlub thiab ncajncees li cas dhau tus duab no?
Txawm hais tias, yog nomtswv lossis tus thawjcoj, tus thawj tswj yuav tsum coj txhawb los ntawm lub peevxwm uas Vajtswv pub thiab sawvdaws ua haujlwm ib yam li txhua yam ntsaum nquag ua haujlwm. Tsis tas li ntawd xwb, lawv tseem muaj tswvyim, lub caij ntuj sov paub npaj zaub mov los khaws tseg cia rau lub caij ntuj no kom tsis tshaib plab, vim thaum ntawd yog lub caij khwv nrhiav zaub mov. Cov tub txawjntse qib siab niaj hnub nim no lawv tau mus saib thiab pom ntsaum txiav nplooj los ntawm lub peevxwm uas zoo kawg nkaus. lawv siv lawv cov kaus hniav uas muaj zog heev los txiav tej nyuag qhov nplooj nyoog coj los rau hauv qhov av. Sau cov kws ntsaum uas paub txiav nplooj kom yau dua tuaj ua ke, txiav cov nplooj ntawd kom yau yau thiab coj mus cog nceb los siv ua zaub mov noj rau cov menyuag ntsaum thiab tus niam ntsaum.
Hauv Chivkeeb 41 thiab 42 sau txog Vajtswv pub kev txawjntse rau Yauxej los pab lub tebchaws Iziv sau qoobloo cia hauv xya lub xyoo uas qoobloo zoo. Vim li ntawd lawv lub tebchaws thiaj li tsis tshaib nqhis xya lub xyoo uas tsis muaj qoobloo thiab tseem seem muag rau cov tebchaws ib ncig uas ntsib kev txomnyem, thiab tsis tas li ntawd tseem cawm tau Yauxej tsev neeg tsis tuag tshaib.
Vajtswv muaj kev hlub Nws thiaj ntuas qhia cov neeg tubnkeeg dhau los ntawm tej lus txawjntse hauv Pajlug no. Vajtswv siv tus duab ntawm ntsaum los txiav txim rau cov neeg tubnkeeg, nyiam pw dua li ua haujlwm, tsis xav tiv kev txomnyem, kev khwv nrhiav kev khiav haujlwm (Pajlug 22:13). Tsis tas li ntawd, tus neeg tubnkeeg ua tsis tiav tes haujlwm uas muab cob rau nws lawd, tej uas Vajtswv pub nws siv tsis muaj qabhau (Pajlug 12:27), tiamsis tus neeg ncajncees txawm yog nws ntog 7 zaug los nws yeej tseem rov sawv los pib ua haujlwm (Pajlug 24:16).
Vajtswv ncajncees yog hais tias peb tsis mloog lus, Nws yuav pub cai muaj tej xwm txheej los raug kom ua chaw qhia peb. Vajtswv yeej tsis cia muaj kev tubnkeeg lossis nyob dawb tsis ua haujlwm dabtsi. Hauv ntu Vajluskub no, vajntxwv Xalumoos ceebtoom rau cov neeg tubnkeeg hais tias kev pluag yuav los raug rau lawv thaum tsis ceevfaj, kev txomnyem yuav los raug lawv ib yam li tus tubsab nqa rawv qws tuaj huab nws lub neej ntag (nqe 11). Nujnqi cov tibneeg tubnkeeg yuav raug txais yeej ncajncees thiab yog.
Vajtswv tsis yog ceebtoom xwb, tiamsis Nws tseem qhia tawm Nws txoj kev hlub rau peb txog tus qauv nquag uas ciaj sia ntawm ntsaum. Vajtswv ua siab ntev, Nws pub sijhawm rau Nws cov menyuam pom txog qhov tsis zoo thiab hloov pauv, ua neej ntse kom tau txais tej nqi zog zoo uas Vajtswv pub. Thov Vajtswv pub kom peb saib pom tej uas yus ua yuam kev, thiab kuj pom Vajtswv kev ncajncees thiab kev hlub loj heev rau yus kom ua neej ntse, rau siab ua haujlwm dua kom peb ua neej tsis yog muaj kev zoo siab xwb tiamsis tseem tau Vajtswv siv muaj nqis rau Vajtswv thiab rau tibneeg coob leej.
Thov Vajtswv,
Vajtswv, nyuam yaus ua Koj tsaug rau tej kev qhia txawj ntse dhau los ntawm tus duab ntsaum. Thov pab nyuam yaus tsis tubnkeeg rau hauv kev ua neej, tiamsis qhia tshwm Vajtswv kev ncajncees, kev hlub dhau los hauv kev nquag ua tej haujlwm Koj cob. Nyuam yaus tuav Tswv Yexus Khetos lub npe thov, Amees.
Peb qhia tshwm Vajtswv kev ncajncees thiab kev hlub dhau los ntawm kev nquag ua haujlwm li cas?
Nyeem Vajluskub hauv peb lub xyoos: Amauj 5
Kênh Youtube BHKTHN:
