Pajlug 7:8-21
Nqe cim:
“Cov neeg uas tau koob hmoov yog cov uas tsis ua raws li cov neeg siab phem tej lus haub ntxias, thiab tsis xyaum ua raws li cov neeg txhaum ua lossis tsis nrog cov neeg uas tsis hwm Vajtswv koom ua ib lub siab” (Ntawv Nkauj 1:1)
Lus nug rau sawvdaws xav:
– Tej kauj ruam uas tus tub hluas mus ua txhaum yog li cas?
– Thaum twg peb yoojyim poob rau kev txhaum thaum ntsib kev dag ntxias?
– Peb yuav tsum ua li cas kom kovyeej kev dag ntxias?
Lub neej sab ntsujplig kov tsis yeej tsis xwb tim tshwm tuaj, tiamsis muaj ncauj ke maj mam ua ib qhov zuj zus, li tus tub hluas Vajluskub saud tau hais txog, nws maj mam rhais kauj ruam zuj zus mus rau qhov chaw tuag. Xub thawj, nws cia li muab tus kheej mus nyob rau qhov chaw txaus ntshai “Nws txawm taug kev mus ze rau ntawm txojkev tshuam mus rau tus pojniam ntawd nyob, thiab mus ze rau ntawm tus pojniam ntawd lub tsev” (nqe 8). Lolus “mus” muaj lub ntsiab hais tias, mus rau qhov chaw tsis muaj homphiaj li. Tej zaum tus hluas ntawd yeej tsis xav txog nws mus nrhiav tus pojniam ntawd thiab yeej tsis paub hais tias tus pojniam ntawd lub tsev nyob ze qhov nws mus. Tus tub hluas no yeej tsis yog txhob txwm ua txhaum tiamsis yog nws qhib qhov rooj rau kev txhaum nkag los rau hauv nws.
Nws yog ib tus hluas hauv “pab hluas uas tsis tau paub qabhau” (nqe 7), yog cov neeg uas tsis tswj tus kheej ua raws kevcai, thaum twg twb xav tshawb nrhiav yam tshiab thiab xav sim kom paub. Tsis tas li ntawd xwb, nws tseem taug kev mus rau qhov chaw txaus ntshai yog “thaum hnub poobqho uas twb tsaus ntuj zuag lawm” (nqe 9). Lolus “tsaus ntuj” yog lolus hauv Pajlug 7:2 txhais hais tias “txuag koj ob lub qhovmuag”. Yog tsis txuag qhovmuag, thaum tsis pom kev ces yoojyim ua rau peb ntsib kev tsaus ntuj nti. Vim tso siab rau yus tus kheej heev, tsis mloog lwm tus tej lus ntuas, tsis paub ntshai lub hwjchim kav tiam tsaus ntuj, qhov ntawd yog thawj kauj ruam uas tus tub hluas no nkag mus rau kev txhaum.
Kauj ruam txuas ntxiv yog tus tub hluas no cia nws ob lub qhovmuag saib rau tus pojniam ntawd lub cev sab nraud (nqe10). Txoj kev dag ntxias no yeej zoo li hnub thaud nab dag Evas, txoj kev dag no twb muaj nyob hauv tus niam ntiav lawm nws thiaj dag ntxias tus tub hluas ntawd qaug rau kev ntshaw ntawn yam qhovmuag pom. Yauj 31:1 sau hais tias “Kuv twv taus rau lub ntuj hais tias, kuv tsis tau ntsia ib tug hluas nkauj twg rau zaj phem li.”. Yog li ntawd, kev tswj yus lub qhovmuag mas tseemceeb heev, tshwjxeeb yog lub neej vammeej internet nimno yuav tsum tswj kev saib yam ub yam no.
Tom qab ntawd yog cia tus pojniam cev tes mus puag tus hluas ntawd lub cev (nqe 13). Cia lub cev sib ti ua ke mas yog qhov uas yoojyim poob rau kev txhaum, tshwjxeeb yog thaum nyob rau qhov chaw tsaus ntuj tsis muaj neeg pom. Yauxej tsis kam ua li txoj kev dag ntxias nws thiaj raug liam txim thiab raug kaw, tiamsis tus hluas no ua raws li txoj kev dag ntxias yaum tau kom daws nws qhov kev nqhis. Yaujxej txoj kev tswj tau tus kheej thaum kawg coj tau nws mus txais koob meej, dua li tus hluas ntawd tsis tswj tus kheej coj nws mus txog kev puastsuaj.
Kauj ruam txuas ntxiv yog ua tib zoo mloog tus niam ntiav ntawd tej lus haub ntxias (nqe 21). Lus hais yog ib yam cuabyeej uas txaus ntshai, thiab tej lus mos muag tua tau tus tub ntawd raug puastsuaj.
Thaum ib tus neeg saib nws tseemceeb, nws khavtheeb, nyiam mloog tej lus qhuas tsis muaj tseeb, ces yoojyim poob rau kev dag ntxias. Cia li txiav txim siab “tsis ua raws li cov neeg siab phem tej lus haub ntxias, thiab tsis xyaum ua raws li cov neeg txhaum ua lossis tsis nrog cov neeg uas tsis hwm Vajtswv koom ua ib lub siab” kom sawv ruaj khov rau hauv kev ua neej.
Thov Vajtswv:
Vajtswv, thov pab nyuam yaus mloog tau Vaj Ntsujplig tej lus ntuas thiab ceebtoom, kom txav deb kev dag ntxias, nyuam yaus tsis ua txhaum tawmtsam Vajtswv Koj. Nyuam yaus tuav Cawmseej Tswv Yexus lub npe thov, Amees.
Ib tsoom mloog uas hmov tshua,
Peb puas paub txog tej kauj ruam uas ua rau peb kov tsis yeej kev dag ntxias?
Nyeem Vajluskub hauv peb lub xyoos: Teev Npe 31
Kênh Youtube BHKTHN:
