Khiavdim 36:1-7
Nqe cim:
“…Cov neeg nqa khoom tuaj ntau tshaj tej uas peb xav tau coj los ua tes haujlwm uas tus Tswv samhwm tseg kom ua lawm” (Khiavdim 36:5).
Lus nug rau sawvdaws xav:
– Cov neeg twg yog cov uas fij khoom ntau tshaj ua lub Tuamtsev?
– Qhov keebtiv twg ua rau cov pejxeem fij khoom ntau npaum li ntawd?
– Peb tabtom fij khoom rau kev loj hlob ntawm Vajtswv lub Tebchaws zoo li cas?
Cia kom tus Tswv lub Tuamtsev txhim tsa tau, tagnrho tus Tswv haivneeg tsis tseg leejtwg, sawvdaws muaj lub siab fij khoom ntau tshaj. Tim ib, Npexalees, Auhauli-as thiab cov neeg txawj ntse tej khoom fij. Lawv txaus siab hlo ua raws li tus Tswv hu, fij sijhawm, dag zog, peevxwm, koob hmoov, rau siab thiab mloog lus ua txhua yam raws li tus Tswv qhia (nqe 1-3). Tim ob, cov thawjcoj tsis yog nqua hu xwb tiamsis ua qauv rau kev fij khoom siab dawb paug (Khiavdim 35:27-29). Tim peb, tagnrho cov pejxeem fij khoom siab dav fo. Niaj tagkis uas yuav pib ua haujlwm, cov pejxeem nqa khoom tuaj fij ntau heev ua rau cov neeg ua haujlwm hauv Tuamtsev txais khoom xwb mus ua tsis tau haujlwm. Thaum tej khoom fij ntau tshaj qhov kev cheemtsum ua lub Tuamtsev, cov neeg ua haujlwm thov kom Mauxes hais rau cov pejxeem tsis fij tuaj ntxiv lawm.
Kev fij khoom ua siab dawb paug ntawm cov thawjcoj thiab tej pejxeem yog pib los ntawm lub siab ua tus Tswv tsaug vim tau los ua Vajtswv haivneeg, tau tus Tswv cawm dim kev ua qhev nram tebchaws Iziv los, tau Nws tivthaiv thiab pub muaj noj muaj haus taug kev los rau tebchaws Kana-as. Tus Tswv ua siab ntev thaum lawv ua txhaum pe tus mlom kub, Nws hlub thiab coglus tseg rau lawv. Lub siab ua tsaug ua rau txhua tus pejxeem fij khoom ntau tshaj. Tom qab no, Vajntxwv Daviv kuj tau txais ib zaug ntxiv hais txog kev fij khoom ntau tshaj ntawm cov pejxeem ua Vajtswv lub Tuamtsev, thiab nws hais rau tus Tswv, “Kuv haivneeg thiab kuv yeej muab tsis tau ib yam dabtsi pub rau koj li, rau qhov tej ntawd puavleej yog koj li, peb tsuas muab tej uas yog koj li rov rau koj xwb” (I Xwmtxheej Vajntxwv 29:14).
Peb los ib yam nkaus, txojsia, dag zog, sijhawm, peevxwm, koob hmoov ua haujlwm mus rau tej khoom txhua yam puavleej yog tus Tswv pub. Qhov kev fij khoom ntau tshaj yog qhia tawm lub siab paub ua tus Tswv tsaug thiab ntseeg tus Tswv pub txhua yam. Tus Tswv haivneeg nimno, txij cov thawjcoj mus txog cov tswvcuab, tshwj qhov uas siv dag zog ua tus Tswv lub tuamtsev, qhov chaw peb pehawm Vajtswv, yuav tsum koom tes txhim kho tibneeg, yog Vaj Ntsujplig lub tuamtsev. Cia kom pab tau ntau leej paub txog tus Tswv lub npe, tig rov los pehawm tus Tswv, cheemtsum heev peb koom tes nrog cov ntseeg, nws tsis yog peb ib leeg ua tau.
Thov Vajtswv,
Tus Tswv, nyuam yaus ua Koj tsaug vim tej uas Koj pub ntau kawg nkaus li! Thov pab kom nyuam yaus yim hnub yim hlub Koj, txaus siab ua raws li Koj hu, fij peevxwm, dag zog, nyiaj txiag ntau tshaj ua kom Leej Txiv tau ntsejmuag. Amees.
Peb txaus siab fij khoom kom ntau tshaj rau tus Tswv lawm tau?
Nyeem Vajluskub hauv peb lub xyoo: Lukas 10:1-37
Kênh Youtube BHKTHN:
