II Kevcai 21:15-17
Nqe cim:
“Tiamsis leej txiv yuav tsum muab nws tej qubtxeeg qubteg faib ob npaug rau tus tub hlob, txawm yog tus tub ntawd tsis yog tus pojniam uas nws nyiam dua yug los xij. Leej txiv yuav tsum tau lees paub nws tus tub hlob thiab faib nws tug rau nws raws li txoj cai uas nws yog tus tub hlob” (II Kevcai 21:17).
Lus nug rau sawvdaws xav:
– Txojcai faib qub txeeg qub teg rau tus tub hlob zoo licas?
– Vajtswv txwv leej txiv tsis pub ua yam dabtsi?
– Qhov uas tawm txojcai no muaj homphiaj dabtsi?
Txojcai dawbhuv xubthawj rau kev sib yuav yog ib tug txiv neej thiab ib tug pojniam. Tiamsis cov Yixalayees raug cov neeg nyob ze sab hnub tuaj txojkev coj cuam tshuam, lawv thiaj tsis ua raws li txojcai sib yuav xubthawj uas tus Tswv teem cia. Vim hla dhau Vajtswv txojcai pwm txheej ntawd thiaj ua rau muaj kev tsis sib haum xeeb ntawm cov neeg nyob hauv lub cuabyig, ua rau muaj kev kub ntxhov, sib txeeb hwjchim, meejmom, zais lossis ua tshwm kiag hauv qhov chaw hu ua lub cuabyig. Txawm li ntawd, los Vajtswv yeej tseem tswjkav tej lub cuabyig zoo li ntawd thiab Nws tawm tej txojcai ceev kom muaj kev sib txig thiab ncajncees rau txhua tus neeg nyob hauv lub cuabyig.
Ntu Vajluskub no nthuav tawm qhov tseeb ntawm cov txiv uas muaj ntau tug pojniam, hlub tus pojniam no heev dua tus pojniam tod, ua rau tsis lees paub lub meejmom tub hlob ntawm tus tub uas yug los ntawm tus pojniam uas nws tsis hlub. Tiamsis raws li tus Tswv txojcai, tus tub hlob yuav tsum tau txais tej qub txeeg qub teg ntau dua ob npaug, tsis tau cai sau rov tej uas txojcai pub rau nws vim qhov uas tsis hlub leej niam. Txawm hais tias muaj kev xaiv ntsej muag ntawm tus txiv thiab pojniam, ntawm leej txiv thiab menyuam thiab ntawd yog yam nyuaj txwv, los tus Tswv txojcai yeej pab kom muaj kev ncajncees rau cov neeg nyob hauv lub cuabyig. Tus Tswv lub homphiaj yog kom cov tub hlob zoo li ntawd txawm yog tsis tau luag hlub, los tseem tau Vajtswv Tus uas zoo kawg nkaus tsomkwm thiab tiv thaiv.
Qhov tseeb ntawm tej kev kub ntxhov hauv cov cov Yixalayees tej cuabyig pib ntawm qhov uas lawv tsis ua raws li tus Tswv txojcai pwmtxheej hauv kev sib yuav. Vajtswv Txojlus qhia hais tias: “Puas yog Vajtswv twb muab koj los koom ua ib lub cev thiab ib lub siab nrog nws lawm? Vim li cas Vajtswv thiaj ua li no? Twb yog nws xav kom neb muaj tub muaj ki uas yog Vajtswv haivneeg tiag” (Malakis 2:15a). Yuav kom qaij dhau tej kev nyuaj siab tsis tsimnyog muaj hauv lub cuabyig, qhov xubthawj cov ntseeg yuav tsum ua raws txojcai ib tug txiv – ib tug niam. Tsis tas li ntawd xwb, niam txiv yuav tsum ua ncaj ncees rau txhua tus menyuam, txhob yog vim hlub ib tug dua es ho xaiv lwm tus ntsejmuag. Tej menyuam yuav tsum nco niam txiv txiaj ntsig, thaum loj hlob lawm yuav tsum nquag ua noj, ua zoo rau niam txiv, tsis txhob ntshaw niam txiv tej qub txeeg qub teg ua rau sib txeeb nrog lwm tus, ua rau tsis sib haum xeeb, muaj kev nyuaj siab hauv lub cuabyig.
Thov Vajtswv,
Tus Tswv, Koj yog tus pab txhim kho tej kev nyuaj siab hauv lub cuabyig vim tibneeg tej kev txhaum. Thov pab nyuam yaus lub cuabyig, niam txiv sib ncaj ncees, menyuam ua zoo, kom txhua tus muaj kev sib raug zoo, sib hlub thiab saib pom Koj tus uas zoo kawg nkaus. Amees.
Peb puas ua neej thiab ua raws li Vajtswv Txojlus qhia hauv lub cuabyig lawm tau?
Nyeem Vajluskub hauv peb lub xyoo: Xakhaliyas 1:1-2:13
Kênh Youtube BHKTHN:
