Daniyees 9:20-27
Nqe cim:
“Peb cia li ua Vajtswv tsaug, rau qhov Vajtswv tus uas muaj hwjchim, Nws nyob hauv peb lub siab. Nws ua tau ib puas tsav yam ntau dua li tej uas peb thov thiab tej uas peb xav” (Efexus 3:20).
Lus nug rau sawvdaws xav: Hauv nqe 24-27, timtswv Khali-ees hais dabtsi rau Daniyees? Lo lus ntawd ntsig txog li cas Daniyees cov lus thov Vajtswv ua ntej ntawd? Tus ntseeg txojkev cia siab tshaj plaws yog dabtsi?
Cov lus qhib thawj hauv tshooj 9, tus cevlus Daniyees qhia paub nws nyeem cov phau ntawv cevlus thiab tshawb nrhiav tau cov xyoo uas tus Tswv haivneeg yuav raug ntes cov mus ua qhev yog xya caum xyoo (nqe 2), thiab lub sijhawm ntawd twb yuav xaus lawm. Yog li ntawd, Daniyees lees txim thiab thov Vajtswv “thov Koj tsis txhob chim rau lub nroog Yeluxalees ntxiv lawm” (nqe 16). Qhov nqi zog uas Daniyees tau txais yog tus Tswv txib timtswv Khali-ees los cuag nws thiab qhia rau nws hais tias Vajtswv twb teb “koj tej lus thov lawm” (nqe 23).
Tus timtswv teb Daniyees cov lus thov Vajtswv zoo li cas? Yog Daniyees tos kom tas 70 lub xyoo ua qhev ces tus Tswv teb hais txog “xya caum lub limtiam” lossis “xya caum zaus xya”. Nqe 25 hais tias “rov txhim kho lub nroog Yeluxalees dua tshiab” thiab hais khov kho tias “Lub nroog Yeluxalees uas luag txhim kho dua tshiab”. Txawm li ntawd los, nqe 26 qhia paub, lub nroog Yeluxalees tau txhim kho dua los yuav rov raug rhuav kom puastsuaj, qhov xwmtxheej lub nroog dawbhuv rov tau txhim kho dua tsuas yog ib ntu sijhawm ua kev cia siab xwb: Cia siab rau lub nroog Yeluxalees sab ntsujplig, tsis yog tom qab 70 xyoo tiamsis yog tom qab “xya caum lub limtiam” lossis xya caum zaus xya, txhais hais tias yog 490 xyoo. Thaum lub nroog Yeluxalees yuav tau txhim kho dua, tus Tswv qhia rau tus cevlus Daniyees pom lub nroog ruaj khov, tsis puastsuaj. Qhov no yog txhim kho dua lub nroog dawbhuv thiab txhim kho tus Tswv haivneeg thaum ze lub sijhawm ntiajteb kawg.
Daniyees qhov kev hmov tshua tim ob – tus Tswv haivneeg txojkev txhaum – kuj tau zam txim raws li cov sijhawm hauv xya caum lub limtiam. Nqe 24 qhia paub xya caum lub limtiam ntawd hais txog 3 lub homphiaj tsis zoo (“lub sijhawm teem cia rau Koj haivneeg thiab lub nroog dawbhuv, dim tej kev phem kev qias, zam txim rau cov neeg uas ua txhaum”), thiab 3 lub homphiaj zoo (“yuav muaj kev ncaj ncees mus ibtxhis, muaj raws li hais txog yav tom ntej, muab lub Tuamtsev fij dawbhuv rau Vajtswv”). Qhov no yog cov lus teb rau Daniyees thaum nws lees txim thiab thov Vajtswv ntev loo. Tus uas Vajtswv xaiv cia ua tus thawj, yog Tswv Yexus yuav los thiab yuav “raug luag muab tua povtseg” kom ntxuav tau tej kev txhaum huvsi thiab muaj kev ncaj ncees mus ibtxhis.
Ntawm qhov uas lub qhovmuag ntsia pom, tus cevlus Daniyees taij thov tus Tswv ua haujlwm, txhim kho lub nroog Yeluxalees dua tshiab. Vajtswv teb Daniyees tej lus thov, thiab dua li ntawd, tus Tswv tseem qhia rau nws pom qhov kev txhim kho ntau tshaj qhov uas nws thov: Muaj kev zam txim, ntxuav kom tus Tswv haivneeg dawbhuv thiab lub nroog Yeluxalees sab ntsujplig yuav tau txhim kho dua tshiab nyob mus ibtxhis los ntawm tus uas Vajtswv xaiv cia ua tus thawj, yog Tswv Yexus. Yam uas tus Tswv pub yeej ntau tshaj qhov peb taij thov lossis peb xav.
Thov Vajtswv,
Tus Tswv, ua Koj tsaug vim Koj niaj hnub pub yam zoo ntau tshaj qhov uas nyuam yaus taij thov. Thov Koj pab nyuam yaus niaj hnub thov Vajtswv thiab cia siab ntsoov rau lub neej nyob ibtxhis. Amees.
Peb pheej tos qhov kev txhim kho dua tshiab ntawm sab nqaij tawv lossis yog sab ntsujplig ntau dua?
Nyeem Vajluskub hauv peb lub xyoos: Yaxayas 2:12-3:15
Kênh Youtube BHKTHN:
