Pajlug 20:18-19
Nqe cim:
“Khaws luag tej lus ntuas tib zoo cia, koj thiaj yuav vammeej. Yog tsis tau tuav tswvyim ua ntej tsis txhob rawm mus ntau rog.” (Pajlug 20:18).
Lus nug rau sawvdaws xav:
– Vajntxwv Xalumoos qhia kom nws cov menyuam xyuam xim rau tej haujlwm tsimnyog thiab ua raws li kev npaj tseg zoo li cas?
– Vim li cas yuav tsum xyuam xim cov neeg taug xaiv?
– Peb siv cov lus qhia no li cas nyob hauv tsevneeg thiab kev ua Vajtswv haujlwm?
Vajntxwv Xalumoos qhia kom nws cov mernyuam yuav tsum xyuam xim rau txhua yam haujlwm. Tim ib, yuav tsum xyuam xim thaum npaj haujlwm. Koj tsis txhob lees ntau txoj haujlwm thiab ua ib leeg tiamsis yuav tsum faib thiab saib taus lwm tus kev tawm suab, tshwjxeeb yog tus neeg txhawb muaj tswvyim. Tim ob, thaum muaj kev tsovrog, cia kom muaj yeej, koj yuav tsum saib ntxiv tej lus pab tswvyim muaj qabhau thaum ua tsovrog. Nqe 18b qhia “tuav tswvyim ua ntej tsis txhob rawm mus ntaus rog.” Lo lus “tswvyim” qhia tawm qhov uas siv tej cuabyeej swm, muaj nqis heev kom xwv ua tiav feem xyuam lossis lub homphiaj raws li kev npaj tseg. Tus neeg ua haujlwm yuav tsum paub siv tej tswvyim uas phim rau lub caij nyoog kom tsis muaj qhov yuam kev mus txog qib ua tsis tau. Tim peb, koj yuav tsum xyuam xim ua tsis txhob cia cov neeg “taug xaiv” ua puas koj tej haujlwm npaj tseg. Cov neeg “ntau ncauj” yog cov neeg taug xaiv, tsis xyuam xim rau tej lus hais, yog li koj yuav tsum xyuam xim thaum nrog lawv hais lus. Nqi zog ntawm tej lus hais tsis xyuam xim kuj txaus ntshai ib yam li nqi zog ntawm ib lo lus hais dag. Thiab tsis xyuam xim kuj qhia tawm lub siab tsis ncaj ncees, vim li ntawd txuag kev hais lus nrog lwm tus.
Cov lus qhia no siv rau txhua seem ntawm kev ua neej, tshwjxeeb rau cov ntseeg Tswv Yexus kev ua neej hauv tsevneeg thiab ua Vajtswv tes haujlwm. Hauv tsevneeg, tsis txhob ua txhua yam haujlwm raws li kev xav, kev nyiam, kuj tsis txhob yog nyob hnub dhau hnub, ua tau qhov twg ces ua qhov ntawd. Hauv kev ua Vajtswv tes haujlwm kuj tsis tsimnyog tuav haujlwm cia lossis ua raws li kev nyiam. Txhua yam puavleej cheemtsum muaj kev npaj thiab sib tham kom zoo. Thaum npaj haujlwm lossis thaum ua haujlwm, yuav tsum thov Vaj Ntsujplig ua tus coj qhia. Thiab kuj cheemtsum tham qhia rau cov neeg uas yus ntseeg siab tau kom xwv npaj tau tes haujlwm zoo muaj nqis rau tus Tswv tes haujlwm thiab rau ntau leej. Muaj kev npaj, peb yuav paub ua dabtsi, ua zoo li cas, thiab paub tej kev nyuaj, tawmtsam uas yuav ntsib kom peb tsis qaug zog thaum muaj teebmeem. Dua li ntawd, kuj cheemtsum xyuam xim lossis txav deb cov neeg “ntau ncauj” vim cov neeg zoo li ntawd tsuas hais lus ntau, nyiam taug xaiv xwb tsis muaj tswvyim pab tau peb ua haujlwm. Thov Vajtswv pub rau peb txhua tus xyuam xim rau kev ua neej, muaj tswvyim thaum npaj thiab ua tiav txhua tes haujlwm thiab ua rau Vajtswv tau ntsejmuag.
Thov Vajtswv,
Vajtswv, thov Koj qhia kom nyuam yaus paub ua raws li Koj lub siab ua ntej, paub mloog cov neeg hwm Koj thiab niamtxiv pogyawg tej lus qhia kom paub npaj thiab ua haujlwm kom Koj tau ntsejmuag. Amees.
Peb puas nrhiav tej uas ua raws li tus Tswv lub siab nyiam thiab niaj hnub xyuam xim thaum npaj txhua yam haujlwm lawm tau?
Nyeem Vajluskub hauv peb lub xyoo: Tes Haujlwm 22:22-23:10
Kênh Youtube BHKTHN:
