Yakaunpaus 1:13-15
Nqe cim:
“Tiamsis tus uas ua txhaum, yeej yog nws lub siab uas nyiam ua phem coj nws mus ua txhaum” (Yakaunpaus 1:14)
Lus nug rau sawvdaws xav:
– Sim siab thiab dag ntxias txawv li cas?
– Leejtwg yuavtsum ris txoj kev dag ntxias?
– Nuj nqis thaum ua raws kev dag ntxias yog dab tsi, thiab yuav ua cas kom kovyeej kev dag ntxias?
Vajluskub tshiab siv lolus peirasmos kuj yog “sim siab” kuj yog “dag ntxias”. Tseeb tiag tagnrho ob lolus no ua rau peb feeb tsis meej qhov twg rau qhov twg, tiamsis kev txawv yeej muaj meej meej nyob rau hauv lub homphiaj thiab yam uas tau txais. Hauv kev sim siab cob qhia peb loj hlob rau hauv kev ntseeg dua, tiamsis kev dag ntxias coj peb mus ua txhaum, khiav deb Vajtswv. Yog li ntawd, kev sim siab Vajtswv pub tshwm muaj nyob rau hauv tus ntseeg lub neej, tiamsis kev dag ntxias tsis yog los ntawm Vajtswv los.
Yakaunpaus tau hais ntau txog tej kev txomnyem uas cov ntseeg ntsib thiab piav qhia meej hais tias ntawd yog koob hmoov, yog sijhawm rau yus loj hlob, cia npaj rau lub neej nyob mus ib txhis. Tiamsis tseeb tiag, yeej tsis yog txhua tus puavleej xav li ntawd. Thaum uas raug tej kev teebmeem kev mob siab, heev tshaj yog poob kev txhaum, tibneeg yuav ua xyem xyav rau Vajtswv thiab xaus lus hais tias “Kuv raug Vajtswv ntxias,” (nqe 13 hmowsv). Yog li ntawd, Yakaunpaus xav kom txhua tus totaub meej yeej tsis muaj li ntawd: “rau qhov Vajtswv yeej tsis raug txojkev phem ntxias thiab nws kuj tsis ntxias leejtwg li” (nqe 13 hmowsv). Vajtswv yog tus uas dawbhuv kawg nkaus, tib neeg ib txwm yog neeg txhaum. Kev dag ntxias tuaj thaum uas ib tug neeg raug “nws txojkev ntshaw yaum nws”(hmowsv), hais rau lwm seem kev dag ntxias pib tuaj hauv peb lub siab kev ntshaw tuaj (Yelemis 17:9; Mathais 15:18-19). Peb yuavtsum ris peb tej kev txhaum thaum uas peb ua raws li kev dag ntxias.
Kev dag ntxias pib los ntawm txoj kev xav phem, ces hauv siab txawm ntim rawv txhua yam kev phem kev qias thiab thaum txog sijhawm, nws yuav tshwm los ua haujlwm tsim muaj kev txhaum ces thaum kawg mus rau kev tuag (nqe 15). “Tuag” ntawm no yog hauv sab ntsujplig raug quas tawm ntawm tus Vajtswv uas dawbhuv thiab tsis txais yuav kev txhaum mus. Yog li ntawd, yog Vajtswv menyuam peb yuavtsum txiav txim siab khiav deb kev dag ntxias kom tsis ua txhaum rau Vajtswv.
Zeem paub hais tias kev dag ntxias tshwm sab hauv tuaj, yog li ntawd peb txhua tus yuavtsum paub tiv thaiv peb lub siab los ntawm Vajtswv Txojlus thiab cia peb sib raug zoo nrog Vajtswv txhua lub sijhawm. Yuavtsum pheej vamkhom Vajtswv, tsis txhob khav theeb hais tias yuav tsis muaj dab tsi ntxias tau yus (1 Kauleethaus 10:12). Ib txoj haukev uas zoo tshaj plaws kom pab peb hla dhau kev dag ntxias yog cia li khiav kev dag ntxias ib yam li Yauxej tus qauv. Tsis tas li ntawd, txhob txajmuag nrhiav kev pab vim peb cheemtsum sib pab tawmtsam yam phem. Vajtswv cia peb nyob hauv pawg ntseeg kom muaj kev tiv thaiv peb, txhawb peb, thiab koom ua ib lub zog tawntsam kev dag ntxias.
Thov Vajtswv:
Vajtswv, tej kev dag ntxias uas nyuam yaus tabtom ntsib nyuam yaus tus zog yuav tawmtsam tsis yeej. Thov hliv Koj Txojlus ciaj sia puv nkaus rau hauv nyuam yaus lub siab kom kovyeej kev dag ntxias, ua lub neej dawbhuv rau Koj txaus siab thiab kom Koj lub npe raug qhuas. Nyuam yaus tuav Cawmseej Tswv Yexus lub npe thov, Amees.
Ib tsoom mloog uas hmov tshua,
Peb puas txiav txim siab khiav deb tej lus qab zib uas caw ntawm txoj kev dag ntxias tuaj?
Nyeem Vajluskub hauv peb lub xyoos: Cov Thawjtswj 4
Kênh Youtube BHKTHN:
