Tus Phoojywg Zoo – 11/12/2022

597

 

 

Pajlug 18:24

Lus nug rau sawvdaws xav:

  • Vajntxwv Xalumoos qhia txog qhov tseemceeb ntawm ib tug phoojywg zoo li cas?
  • Vim li cas muaj phoojywg zoo, zoo dua kwvtij txheeb?
  • Peb cheemtsum ua neej li cas kom ua tau tus phoojywg zoo rau peb cov kwvtij ntseeg?

Vajntxwv Xalumoos hais txog qhov tseemceeb ntawm tus phoojywg zoo. Tim ib, muaj cov phoojywg zoo tsawg, los yeej zoo dua muaj phoojywg coob uas ua phem. Yoojyim muaj phoojywg coob thaum npluanuj, tiamsis muaj tsawg tus thiaj yog phoojywg zoo paub sib pab thaum lub neej txomnyem, poob qis? Thaum raug txomnyem thiaj paub neeg lub siab, thaum ntsib kev nyuaj thiaj paub leejtwg yog tus phoojywg zoo. Muaj ntau tus phoojywg tiamsis yog tsis paub ua zoo ces tsis muaj qab hau dabtsi (Pajlug 13:20). Tim ob, ib tug phoojywg zoo tseem zoo dua kwvtij txheeb. Tus phoojywg zoo paub mloog, hmov tshua thiab pab thaum muaj kev cheemtsum, txawm yog tau zoo thiab txomnyem, ib leeg tsis muab ib leeg tso tseg. Hais txog kwvtij txheeb yog hais txog kev koom roj ntsha thiab tseemceeb dua tej phoojywg, vim koom roj ntsha yog li ib leeg yuav tau pab ib leeg. Tiamsis qee zaus vim hlub dhau, pab tsevneeg dhau ces ua neeg tsis ncaj ncees thiab tsis kam hais. Qee zaug tej kwvtij txheeb muaj hnub nyoog, txawj ntse, lub neej muaj dua yus ces tsis cheemtsum kev pab.

Tus phoojywg zoo mas muaj nqis heev, rau qhov lub sijhawm ntsib teebmeem nws tej lus txhawb zog zoo li roj, tshuaj kho: Roj thiab tshuaj tsw qab ua rau koj txaus siab heev, tiamsis kev nyuaj siab ua rau kev kaj siab ploj mus.(Pajlug 27:9). Phoojywg zoo hais tej lus tseeb, sib pab tas siab. Lus tseeb yoojyim ua rau hnyav siab, tiamsis nws yog tus phoojywg zoo, sib hlub txawm yog hais qhov ntawd ua rau peb tsis zoo siab los nws yeej hais vim xav kom qhov ntawd muaj nqis rau peb.

 Cov ntseeg Yexus tau muab piv zoo li Vajtswv pab yaj, yog li peb cheemtsum los koom npoj. Koom ua ib lub cev hauv Yexus Khetos lub cev (I-Kauleethaus 12), peb koom ua ke thiab ib leeg cheemtsum ib leeg. Yog li ntawd, peb cia li ua phoojywg zoo ua ke. Tus phoojywg zoo cov lus hais yuav tsum mus raws nraim li Vajtswv Txojlus kom pab tau peb. Peb cheemtsum ib tug phoojywg muaj txojkev hlub thiab hais lus tseeb(Efexus 4:15). Yuav nrhiav tau ib tug phoojywg zoo, peb yuav tsum ua ib tug phoojywg zoo ua ntej. Peb yuav tau ua ncaj, sib hlub thiab ua tib zoo saib tej yam uas tsis zoo, tsis tau txaus kom peb paub qaij, tus phoojywg zoo txhawb zog sab kev ntseeg thiab kev ua neej huvsi. Tus neeg uas tsis yuav lus ntuas yog tus neeg saib tsis taus yus tus ntsujplig, tiamsis mloog lus qhuab ntuas yuav txawj ntse (Pajlug 15:32).

 

Thov Vajtswv,

Tus Tswv, nyuam yaus ua tsaug uas Koj pub rau nyuam yaus muaj phoojywg zoo. Thov Koj pab kom nyuam yaus txo hwjchim mloog thiab hloov thaum cov phoojywg kho. Thov Koj pab kom nyuam yaus ua neeg ntse, paub hlub, ua siab ntev ua tau phoojywg zoo rau lwm tus. Amees.

Peb twb nrhiav tau phoojywg zoo thiab peb tus kheej yog phoojywg zoo lawm tau?

Nyeem Vajluskub hauv peb lub xyoos: Yelemis 31:1-22

Kênh Youtube BHKTHN:

https://www.youtube.com/c/bhkthn

Bài trướcLời Tiên Tri Về Sy-ri và Ai Cập – 10/12/2022
Bài tiếp theoMah Jiăng Sĭt Suôr – 11/12/2022