Pajlug 24:13-14
Nqe cim:
“Hwm tus Tswv yog qhov uas zoo tshaj plaws, thiab nyob ruaj khov mus ibtxhis. Tus Tswv yeej txiav txim ncaj ncees thiab ua raws li qhov tseeb. Tej lus ntawd muaj nqis tshaj tej tseem kub, thiab tej lus ntawd qab zib tshaj tej tseem zib ntab.” (Phau Ntawv Nkauj 19:9-10)
Lus nug rau sawvdaws xav:
– Vajntxwv Xalumoos muab lub tswvyim piv rau zib ntab zoo li cas?
– Lub tswvyim muaj nqis dabtsi?
– Yuav ua li cas kom peb tau txais lub tswvyim?
Vajntxwv Xalumoos muab qhov qab zib ntawm cov zib ntab piv rau qhov qab uas lub tswvyim pub. Xalumoos qhia nws cov menyuam “Metub, cia li noj zib ntab, rau qhov zib ntab yog yam zoo” (nqe 13). Zib ntab yog ib yam khoom uas cov neeg nyob sab hnubtuaj nyiam noj heev, rau qhov nws tsis yog qab zib xwb, tseem yog tshuaj kho mob thiab. Zib ntab zoo rau lub cev npaum li cas ces lub tswvyim kuj zoo, muaj nqis, qab zib rau sab ntsujplig ib yam nkaus. Lo lus “koj yuav paub hais tias tswvyim zoo ib yam li ntawd rau koj txojsia” (nqe 14) txhais tau tias yog menyuam tau txais thiab kawm tau lub tswvyim. Tus neeg uas rau siab ntso nrhiav, tau txais lub tswvyim rau sab ntsujplig ces yeej yuav tau txais nqi zog thiab kev vammeej. Tus neeg uas nrhiav lub tswvyim yuav paub thiab tau txais nqi zog yog koob hmoov ntev loo. Ua lwm seem lus hais, tes haujlwm ua yog hauv kev zeem paub lub tswvyim thiab nrhiav tau lub tswvyim yog txojkev zoo kawg nkaus uas yuav coj mus tau txojkev zoo siab tseeb thiab txaus siab.
“Tswvyim zoo ib yam li ntawd rau koj txojsia” tsuas yog txais tau ntawm tus Tswv uas yog lub hauvpaus tswvyim, rau qhov “Tus uas hwm tus Tswv, tus ntawd thiaj yog tus uas muaj kev txawj ntse” (Pajlug 1:7). Vajtswv haivneeg yuav nrhiav thiab tau txais lub tswvyim yog thaum tas siab hwm tus Tswv, ua raws li Nws tej lus samhwm. Vajtswv Txojlus yog lus tseeb, ncaj ncees, thiab muaj nqis dua nyiaj kub, qab zib tshaj zib ntab (Ntawv Nkauj 19:10). Nimno, tus Tswv pub rau peb muaj Phau Vajluskub uas yog Vajtswv Txojlus, yog txojlus taw kev rau peb ua neej, qhia kom peb tau txojsia. Thaum zeem paub qhov qab zib ntawm Vajtswv Txojlus, peb txhua tus thiaj nquag los xav, kawm Vajtswv Txojlus (Yausuas 1:8). Vajtswv Pawg Ntseeg yuav tsum npaj kev kawm Vajtswv Txojlus rau cov ntseeg, cov ntseeg los yuav tsum nquag tuaj pehawm Vajtswv, mloog qhia Vajtswv Txojlus, kawm hnubkaj, kawm Vajluskub pab pawg… Thov Vajtswv pab kom peb muaj lub siab ntshaw lub tswvyim, tas siab nrhiav lub tswvyim txawj ntse raws li Vajtswv Txojlus qhia, thiab sib pab kom tuav tau txojkev ntseeg. Tus neeg muaj tswvyim yog kawm Vajtswv Txojlus thiab ua raws li Nws tej lus samhwm, tsis yog tau txais kev zoo siab, kaj siab hauv lub neej xwb, tseem yuav tau txais txojsia ntev dhawv mus ibtxhis ib yam li Vajtswv Txojlus cog tseg.
Thov Vajtswv,
Vajtswv, ua Koj tsaug rau qhov uas Koj pub nyuam yaus tau saj qhov qab zib ntawm Koj Txojlus. Thov Koj pub kom nyuam yaus muaj kev ntseeg, ua siab ntev rau tes haujlwm xav, kawm Koj Txojlus, ruaj siab thiab tas siab hwm Koj, ua raws li Koj tej lus samhwm hauv lub neej. Nyuam yaus tuav Tswv Yexus lub npe thov, Amees.
Peb puas tas siab nrhiav lub tswvyim thiab tau txais qhov qab zib ntawm lub tswvyim lawm tau?
Nyeem Vajluskub hauv peb lub xyoo: Filipis 1
Kênh Youtube BHKTHN:
