II Lu Pơtao 6:15-17
“Ơ Kră Yang, apinh ih pơih ăn măt đĭch đam inh wă kơ sư gơh ‘bôh.” (II Lu Pơtao 6:17a)
Nơ̆r jet tơchĕng pơwao:
– ‘Bok khan lê̆ adrol Ê-lê sê đei krao khan kơ đĭch đam sư thoi yơ?
– Yua kơ kiơ sư krao khan thoi noh?
– Nơ̆r krao khan âu đei kăl ăn kơ lu bơ̆n thoi yơ?
‘Bơ̆t anăp tơdrong hli tơrơ hăm bơngai đĭch đam, ’bok Êli bơngai khan lê̆ adrol sư khan: “‘Nĕ kơ hli ! “Bơngai đĭch đam âu gơh hiôk hơđơ̆ng tŏk bŏk linh ayăt wang tăp dăr tơah sư lăng ‘bôh dôm tơdrong ‘bok Ê-li Bơngai khan lê̆ adrol oei ‘bôh, “lu bơngai oei hăm lu bơ̆n lơ hloh kơ lu bơngai oei hăm lu sư păng “kông ‘bĕnh kơ lu aseh păng gre hăm ŭnh oei tăp dăr kơ Êlisê” (tr.16-17). Pơma nai dơ̆ng, ‘Bok Êli Bơngai khan lê̆ adrol ưh kơsĭ lăp ‘bôh dôm tơdrong kiơ mă bơngai nai ‘bôh, mă lei sư oei l`ăng’bôh dôm tơdrong kiơ Kră yang wă lkơ sư lăng ‘bôh, sư đei lăng’bôh dômtơdrong kơtă ‘bơ̆t dei hlĭch dêh mă bơngai nai lăng ưh kơ’bôh, Sư lăng ‘bôh ‘Bok Kei-Dei oei wei pơgơ̆r păng sư oei oei hăm “bơngai ‘Bok Kei-Dei wơh”.
Pơm thoi yơ bơngai đĭch âu gơh’bôh dôm tơdrong mă ‘bok Êlisê ‘Bok khan lê̆ adrol đei lăng’bôh? Lăp kơplah’bơ̆t yơ sư đei ‘Bok Kei-Dei pơih măt sư! ‘Noh bơih tơdrong kăl tơm mă Êlisê ‘Bok khan lê̆ adrol ưh kơ roi lê̆ adrol kơ đĭch đam sư athei pơm kiơ mă apinh Kră yang pơlar măt ăn kơ sư. Bơngai đĭch đam ưh kơ măt tol gah akâu akar mă lei măt tol lăm tơdrong ‘bôh băt kơ Kră yang, măt tol gah bơhngol.
Nơ̆r Êlisê ‘Bok khan lê̆ adrol krao khan ă[n kơ đĭch đapm sư âu ưh kơ sĭ wă tơgŭm ăn kơ sư đei jơhngơ̆m pran pha ra wă kơ gơh bơ̆ jang tơdrong ‘noh,mă lei apinh Kră yang ăn kơ sư đei măt lăng ‘nao. Kră yang ‘Bok Kei-Dei tơl nơ̆r Êlisê ‘Bok khan lê̆ adrol kơ plah ăn kơ đĭch đam sư ‘bôh lu bơngai ayăt ưh kơ sĭ khan minh khul linh pran kơtang mă sư đei ‘bôh, mă lei dôm tơdrong kơtă ‘bơ̆t dei mă sư đei ‘nguaih kơ dôm tơdrong kiơ mă sư ‘bôh păng măt hmă, đei trong hơmet đơ̆ng kơpal plĕnh tơgŭm sư hlôi đơ̆ng tơdrong tôch đon, đei minh Kră Yang ‘Bok Kei-Dei đech mơsêh mơyang ling-lang oei ‘bơ̆t cheng wă wei lăng kon pơlei Sư. Lăp kơplah hơ yơ bơngai đĭch đam lăng ‘bôh dôm tơdong kiơ Êlisê lăng ‘bôh na gơh hiong đĭ tơdrong hli, păng hiôk hơđơ̆ng lui gơnang kơ Kră Yang.
Lu bơ̆n juăt kơ krao khan kơ lu ‘nhŏng oh bơ̆n dah lu bơngai buăl juăt đei hiôk hian, dah wă kơ gơh kơjăp năr đei tơdrong pơlong anat anot truh kư̆m nhen thoi bơ̆n bơ̆jang kơ Kră Yang mơ̆n, mă lei bơ̆n hiơt lu sư mă tơpă sư lu sư hiôk hian păng kơjăp kơplah Kră Yang pơih măt wă kơ gơh lăng ‘bôh Kră Yang ‘Bok Kei-Dei păng tơdrong jang Sư. Đơ̆ng noh,tơdrong mă lu bơ̆n krao khan kơ ‘nhŏng oh bơ̆n lăm Khul Bơngai Lui dah bơngai lăm \hnam dơnŏ jơ̆ apinh Kră Yang pơih măt wă kơ ‘bôh kơtă ‘bơ̆t dei gah bơhngol, ‘bôh Kră yang păng tơdrong Sư pơgơ̆r lăm chăl arih lu sư. Tơdah lu bơ̆n hơpơi wă tơdrong ‘lơ̆ng ăn kơ lu sư na athei đĭ jơhngơ̆m krao khan kơ lu sư wă kơ Kră Yang ăn kơ lu sư lăng ‘bôh Kră yang păng băt kơ Kră yang. Yua kơ kơplah jơhngơ̆m lu sư tam mă gơh klaih, măt gah bơhngol lu tam mă gơh ‘bôh na đei tơdrong hli, ưh kơ hơđơ̆ng oei pơgơ̆r lăm jơhngơ̆m.
Ơ Kră yang, apinh pơih măt gah bơhngol inh păng ‘nhŏng oh inh wă kơ ling lang lăng ‘bôh Ih păng tơdrong jang tih Ih. Apinh ăn kơ inh kơjăp păng đĭ jơhngơ̆m lui gơnang kơ Ih mă khan đei tơdrong truh thoi yơ hĭ. Yua anăn Kră yang Yêsu Krist, Amen.
Tơdrong mă kăl tơpă lu bơ̆n kăl kơ krao khan kơ kon pơlei Kră Yang, buăl juăt bơ̆n păng kơdih kâu bơ̆n ‘noh yă kiơ?
Apinh Kră yang pơih măt gah bơhngol
Inh ngơk lăng ‘bôh tơdrong mơsêh mơyang Kră Yang
Hiôk hơđơ̆ng pơgơ̆r lăm jơhngơ̆m
Chăl arih kiơ̆ Kră Yang, hơpơi tơdrong kiơ dơ̆ng
Đŏk Nơ̆r ‘Bok Kei-Dei lăm pêng sơnăm I Hơ’mon 27
Kênh Youtube BHKTHN:
