Pajlug 27:14
Nqe cim:
“Yog koj mus tsa koj tus phoojywg thaum sawv ntxov, ces ib yam li yog koj cem nws ntag” (Pajlug 27:14)
Phau txhais HMOSV 2004
“Tus uas sawv ntxov tsaus ntuj nti mus foom koob hmoov nrov nrov rau kwvtij zej zog, luag yuav suav tias tej lus ntawd yog foom tsis zoo.”
Lus nug xav:
– Ua li cas lolus tsa yus tus phoojywg thaum sawv ntxov raug muab saib yog lolus cem?
– Peb cheem tsum ua li cas kom yus lolus hais coj tau kev hlub thiab Vajtswv koob hmoov kev cawmdim mus rau tus mloog?
Qhov tseemceeb ntawm Pajlug 27:14 qhia, mas yog lub sijhawm ntawm lolus hais cuamtshuam loj heev txog tus mloog thiab nws kev txais yuav cov ntsia lus ntawd li cas. Nqe Pajlug ceebtoom, lolus sawv ntxov tsaus ntuj nti mus foom koob hmoov nrov nrov rau kwvtij zej zog, tshai tsam tej lus zoo uas muab hais rau lub sijhawm ntawd raug suav hais tias foom phem. Lolus foom hmoov yog tes haujlwm zoo, tiamsis qw nrov nrov cuamtshuam thaum lwm tus tabtom so thiab xav nyob ntsiagto ces tsuas yog ua rau tus mloog npautaws xwb. Ib lolus txhawb zog lossis pab tswvyim yog qhov zoo tiamsis yog hais tsis yog sijhawm yuav yoojyim to taub yuam kev, lossis yuav raug ntxub, thiab tsis tau raws li qhov uas peb xav tau.
Hais rau lwm seem tus neeg uas sawv ntxov ntxov thiab qw nrov foom koob hmoov rau neeg zej zog kom luag pom hais tias nws yog tus hwm phoojywg. Tiamsis vim nws ua tsis yog sijhawm thiab tus cwjpwm qw nrov nrov raug ntau nqi hais tias nws ua tsis tseeb. Lolus “ib yam li cem” yog tej lus foom koob hmoov tsis tseeb ces yeej tsis txawv li tej lus cem ntag, vim tej uas nws ua zoo li yog tes haujlwm zoo tiamsis lub homphiaj yuam kev. Ua qhov zoo yuav tsum ua nrog txoj kev txawj ntse thiab yog lub sijhawm, yog tsis ua li ntawd yuav tsis muaj qabhau. Yog peb maj nroos hais txhua yam uas peb xav, tiamsis tsis xav txog tus uas tabtom mloog peb yuav xav li cas, ces tej zaum peb yuav sau tsis tau raws li siab ntshaw. Peb yuav tsum paub tswj peb tus kheej, ua siab ntev, thiab siv txoj kev txawj ntse uas Vajtswv pub rau peb, muab peb txawb rau tus mloog lub chaw kom to taub lawv thiab txawj hais tej lus txhawb zog yog lub sijhawm thiab yog chaw rau lwm tus.
Vim peb yog Vajtswv cov me nyuam, Vajtswv hu kom peb tsis txhob ua raws li peb lub siab nyiam xwb. Tiamsis peb yuav tsum hais lus thiab ib leeg coj cwjpwm rau ib leeg los ntawm txoj kev hlub, lub siab ncaj, thiab muaj tswvyim. Los ntawm txoj kev ua tib zoo xav thiab xaiv cov lus hais kom phim lub sijhawm thiab coj tus yamntxwv kom tsim nyog, peb yuav dhau los ua ib txoj kev coj Vajtswv kev hlub thiab Nws txoj koob hmoov mus pab tau cov neeg nyob puagncig peb. Thov Vajtswv pab kom peb tej lus hais dhau los ua tus choj tuam koob hmoov ntws mus rau lwm tus. Cia li cia Vajtswv Txojlus qhia thiab coj peb ntawm lolus hais, tes haujlwm ua kom peb muaj Vajtswv txoj kev txawj ntse, hais tej lus tseeb, muaj kev hlub, coj kev kaj mus rau qhov tsaus ntuj, thiab taw qhia lwm tus tig rov rau ntawm Tswv Yexus uas yog peb tus Tswv Cawmseej txoj kev cawmdim.
Thov Vajtswv,
Vaj Leej Txiv tus muaj kev hlub, thov qhia peb muaj Koj txoj kev txawj ntse cog kev phoojywg nrog lwm tus. Thov pab nyuam yaus tej lus hais yog los ntawm kev hlub, qhov tseeb, thiab paub thaum twg yuav hais thiab yuav hais li cas kom zoo rau tus mloog, nyuam yaus ua Vajtswv tsaug. Nyuam yaus tuav Tswv Yexus Khetos lub npe thov, Amees.
Peb puas tau ntsib teebmeem thaum peb tej lus hais tsis yog sijhawm? Muaj yam twg peb yuav tsum kho?
Nyeem Vajluskub hauv peb lub xyoos: Malakaus 5
Kênh Youtube BHKTHN:
