Tơdrong Pơđơ̆k 23:12-14
“Athei đĭ jơhngơ̆m kơ nơ̆r bơtho. Hăm pơgling đon mơ̆ng nơ̆r hlôh wao.” (Tơdrong Pơđơ̆k 23:12)
Nơ̆r jet tơchĕng pơwao:
– Pơtao Sôlômôn pơma tơdrong bơtho kon hơ’lơ̆p thoi yơ?
– ‘Bai bơtho pơjĭ lăm Tơdrong pơđơ̆k bơtho thoi yơ?
– Lu bơ̆n băt kơnăl hiơ̆k bơtho kon hơ’lơ̆p thoi yơ?
Pơtao Sôlômôn pơma gah tơdrong bơtho tơ’bôh kơ kon hơ’lơ̆p, chông anhăk lu sư mơ̆ng tơdrong gơh hơgei. Nơ̆r “đĭ jơhngơ̆m” păng “mơ̆ng” wă pơma kơ mơ̆ng đe bơtho ‘bônh kơ hlôh lăm tơdrong đe bơtho hơlen tơpă. Hăm lu bơngai hơ’lơ̆p mă oei ‘lơ̆p kơchu, arăng kơ̆l, kăl kơ bơtho mă ‘lơ ‘lŏ. Nơ̆r “bơtho pơlung” (trong 12) lăm Hêbrơ kư̆m đei nơ̆r pơma khan “bơtho pơjĭ” (trong 13) yua kơ lăm tơdrong bơtho noh đei pơma kơ tơdrong bơtho pơlung dah bơtho pơjĭ đei minh tơdrong kơnhăm đĕch wă khan chông anhăk, bơtho tơ’bôh, bơtho khan “teh sư hăm sơnguĕt” hăm lu bơngai hơ’lơ̆p kơ chu ưh kơ wă chu mơ̆ng nơ̆r bơtho, ưh kơsĭ bơ̆n dai lăp đon pơjĭ gah sĕch akar, mălei wă găn lê̆ ưh kơ ăn lu kon hơ’lơ̆p pơm yoch dơ̆ng. Tơdrong bơtho kon hơ’lơ̆p tơ’bôh kơ bơ̆n pŭ iŏk păng bơtho pơjĭ lu sư mă tơpă. Bơtho pơjĭ kon hơ’lơ̆p ưh kơ trŏ wă kơhrăp jơhngơ̆m mĕ ‘bă, mălei wă kơnhăm tơ’bôh rơđah, teh bơtho sư hăm ‘long sơnguĕt, mălei wă tơgŭm sư weh đơ̆ng tơdrong kơnê̆, klaih đơ̆ng bơngai pơma hơlĕnh pơdăr (Pơđơ̆k 2:12) păng gĭt kăl hloh dơ̆ng “wă pơklaih sư đơ̆ng dơnâu ŭnh” (trong 14).
Dang ei, đei lơ bơngai ưh kơ wă chu nơ̆r Kră Yang bơtho hăm tơdrong bơtho pơjĭ kon hơ’lơ̆p teh bơtho hăm ‘long sơnguĕt. Mă khan lei ră athei pơma rơđah tơdrong bơtho pơjĭ kon hơ’lơ̆p kiơ̆ kơ lăm Tơdrong pơđơ̆k ưh kơ đei athei mĕ ‘bă bơtho pơjĭ kon hơ’lơ̆p mă dêh dah mă layơ kư̆m yua ‘long sơnguĕt ngăl păng teh pơjĭ kon hơ’lơ̆p kơplah oei blĕk, mălei hăm lu bơngai kơ chu, arăng kơ̆l, kăl kơ bơtho pơjĭ hăm ‘long sơ’nguĕt wă kơ lu sư chu yom.
Đei nơ̆r đe juăt kơ pơma “Bơngai kon hơ’lơ̆p dah mă lu sâu kơ chu noh yua đơ̆ng mĕ dah yă ưh kơ bơtho” nơ̆r ‘nâu wă khan pơtă kơ mĕ dah yă bơtho ưh kơ trŏ, mơ̆ng kơ ‘lơ̆p wă thoi yơ bưh na jing pơm kơ hơ’lơ̆p ưh pă hli kơ tơdrong kơnê̆, jing kơ chu, arăng kơ̆l. Mă khan lei ră, nơ̆r Kră Yang bơtho lăm Tơdrong pơđơ̆k, mĕ ‘bă kăl kơ hiơ̆k bơtho tơ’bôh kơ kon hơ’lơ̆p (Pơđơ̆k 1:8; 6:20) dah kon hơ’lơ̆p kơ chu, mĕ ‘bă kăl kơ pŭ iŏk ‘bơ̆t anăp Kră Yang.
Bơngai lui kơ Kră Yang bơih, mă khan lu bơ̆n âu jơ̆ yă ‘bok dah mĕ ‘bă, athei pŭ iŏk bơtho tơ’bôh kơ kon hơ’lơ̆p jơ̆ tơmam đơ̆ng Kră Yang pơjao kơ bơ̆n wei lăng. Kăl kơ đĭ jơhngơ̆m bơtho tơ’bôh kơ kon, sâu kiơ̆ trŏ nơ̆r Kră Yang. Dah đei kăl dêh yua iŏk tơdrong bơtho pơjĭ mă tơpă hăm lu kon sâu păng tơdrong ‘mêm. Lăm jơ noh lu bơ̆n kăl kơ tơblang mă rơđah kơ kon hơ’lơ̆p hlôh yua kơ kiơ mĕ ‘bă bơtho pơjĭ thoi noh, wă kơ lu sư băt tơdrong ‘mêm mĕ ‘bă hiơ̆k kơ lu sư, wă pơyua kơ lu sư đơ̆ng sĕch akar truh tơ bơhngol.
Ơ Kră Yang, bơnê kơ Ih đei tơ’blŏk kơ inh nơ̆r Ih bơtho gah tơdrong mĕ ‘bă bơtho kon hơ’lơ̆p. Apinh Ih ăn kơ inh băt hiơ̆k kơ kon hơ’lơ̆p, đĭ jơhngơ̆m bơtho tơ’bôh kơ kon sâu wă kơ arih trŏ, na bơhngol gơh klaih đơ̆ng tơdrong lôch ling lang, băt weh ataih đơ̆ng tơdrong yoch glăi, hiong đon lui lăm Kră Yang, yua anăn Kră Yang Yêsu Krist, Amen!
Lu bơ̆n hiơ̆k bơngơ̆t bơtho kon sâu kiơ̆ thoi nơ̆r Kră Yang thoi yơ?
Đŏk Sơ̆p Hla bơar ‘Bok Kei-Dei lăm pêng sơnăm: I Lu Pơtao 5
Kênh Youtube BHKTHN:
