II Kauleethaus 8:16-21
Nqe cim:
“Rau qhov peb xav ua ncaj ua ncees. Tsis yog peb ua rau Vajtswv pom xwb, tiamsis peb ua rau neeg pom thiab.” (II Kauleethaus 8:21).
Lus nug rau sawvdaws xav:
- Timthawj Paublus cov lus timkhawv hais txog cov neeg nrog nws ua haujlwm zoo li cas?
- Vim li cas nws cheemtsum ua tes haujlwm thov kev pab no?
- Peb kawm tau yam dabtsi ntawm Timthawj Paulus thaum ua tes haujlwm ntsig txog nyiaj txiag?
Ua ntej, Timthawj Paulus “ua Vajtswv tsaug, rau qhov Vajtswv ua rau Titus muaj lub siab kub lug pab nej.” (nqe 16). Qhov no, ua rau peb pom nws tus yamntxwv txo hwjchim thaum nws paub hais tias muaj ib tug muaj hwjchim loj tabtom tswj, thiab Nws muaj hwjchim txib neeg ua Nws tes haujlwm rau sab ntsujplig, nws yog tus uas qhia qhov cheemtsum ntawm tes haujlwm, thiab ntuas Titus kom mus hauv Pawg Ntseeg Kauleethaus ua tes haujlwm pab. Qhov txuas ntxiv raws li nqe 19, Timthawj Paulus qhia paub qhov uas nqua hu pab cov ntseeg yog tes haujlwm ua zoo, thiab nws yuav ua kom tiav tes haujlwm zoo no; tsis yog ua rau nws tau koob npe lossis ua kom nws tau, tiamsis “ua rau peb tus Tswv Yexus Khetos tau ntsejmuag”.
Dua li ntawd, Timthawj Paulus tseem ua ib tug qauv lossis ib tug lw ua haujlwm ntsig txog nyiaj txiag li no: Tim ib, nws tsis ua ib leeg tiamsis muaj Titus thiab ib tug tsis hais npe tawm nrog nws ua tes haujlwm nqua hu kev pab thiab tuav cov nyiaj ntawd kom ncaj ncees tsis muaj leejtwg hais tau. Tim ob, cheemtsum saib tus cai xaiv tibneeg ua tes haujlwm zoo tiamsis yoojyim totaub yuam kev yog “tus uas cov ntseeg tsa…”, “yog tus uas qhia txojmoo zoo, cov ntseeg uas nyob qhov txhia chaw puavleej hwm nws heev.” (nqe 18-19), tsis yog lam tau lam xaiv raws li pom. Rau qhov cov neeg no muaj feem xyuam “ua tib zoo ua li no kom thiaj tsis muaj xaiv muaj lus thaum peb xa cov nyiaj no mus pab cov ntseeg.” (nqe 20).
Timthawj Paulus lub siab ncaj ncees no tsis muaj leejtwg thuam tau, tiamsis tsis yog li ntawd es thaum ua haujlwm nws tsis hmov tshua txog lwm tus qhov kev xav, nws hais tawm nws tus cai ua haujlwm yog niaj hnub ua qhov zoo, hauv qhov ntawd yog tes haujlwm tuav nyiaj, tsis yog ncaj ncees ntawm tus Tswv xubntiag xwb, nws ua ncaj ntawm neeg xubntiag thiab (nqe 21). Kawm Timthawj Paulus tus qauv pab kom peb tsis poob rau tej qhov kev xav tsis zoo uas hais tias tus neeg ua Vajtswv haujlwm tsis txhob tuav nyiaj txiag, lossis ib tug txiav txim siab txhua yam teebmeem ntsig txog nyiaj txiag. Ob qhov kev xav no puavleej yoojyim ua rau dab Ntxwgnyoog ntxias. Qhov tseemceeb tshaj yog seem nyiaj txiag, ua kom tus Tswv tau ntsejmuag thaum Nws tes haujlwm vammeej thiab Pawg Ntseeg muaj kev zoo siab.
Thov Vajtswv,
Nyuam yaus tus Vajtswv! Ua koj tsaug vim Koj qhia nyuam yaus paub ua tej haujlwm zoo, ncaj ncees rau nyiaj txiag, tsis yog ntawm tus Tswv xubntiag xwb, ntawm neeg xubntiag huvsi. Amees.
Peb siv tus cai tuav nyiaj txiag zoo li cas?
Nyeem Vajluskub hauv peb lub xyoo: Amaus 1:1-2:5
Kênh Youtube BHKTHN:
