Pajlug 27:15-16
Nqe cim:
“Tus pojniam uas yws taus zoo ib yam li dej nag nrog tuj tauv. Koj yuav txwv tsis tau nws kom tsis txhob yws ib yam li koj txwv tsis tau cua lossis muab phoovtes cug roj” (Pajlug 27:15-16)
Lus nug xav:
– Tus pojniam yws taus tau muab piv zoo li yam dabtsi?
– Yuav ua li cas kom daws tau qhov teebmeem yws taus no?
– Peb siv zaj kawm no li cas nyob hauv peb tsevneeg?
Pajlug 27:15-16 piv txog tej teebmeem sim siab tshwm muaj thaum ntsib tus pojniam yws taus, thiab nqua hu peb ua tib zoo saib kom thiaj tiv dhau qhov kev tsis sib haum nyob hauv kev ua txijnkawm los ntawm kev thov Vajtswv, ua siab ntev thiab xyuam xim.
Vajntxwv Xalumoos muab tus pojniam yws taus piv rau lub suab nag nrog tuj tauv saum tsev los, nws zoo nkaus li qhov kev iab siab tsis paub tas, tsis nres li los raug tsevneeg txoj kev kaj siab. Ob yam ntawd puavleej tsim muaj kev ntxov siab. Tus txivneej nkaum hauv tsevneeg xav kom tau kev kaj siab, tiv thaiv kom dhau cua daj cua dub, tiamsis nws tsuas pom nag nrog ntshis saum ru tsev los ntub nws tas. Kuj ib yam nkaus, nws yuav pojniam xav tias yuav tau lub neej kaj siab, sov siab no tiamsis tus pojniam yog ib tug neeg yws taus, ua rau tus txiv lub siab nyob tsis qab!
Siv zog “tswj tuav pojniam” zoo ib yam li muab txhais tes cev mus thaiv cua, yam li tuav roj, tsis muaj qabhau, vim tus pojniam yws taus yeej muaj tus yamntxwv tswj tsis tau thiab hais tsis mloog. Ib qhov uas txaus txajmuag, lub tsev twb yog qhov chaw nyob nkaum cua daj cua dub, los tus pojniam ua kob cua ntsawj lub tsev puastsuaj tas. Tus txiv txhais tes yuavtsum muaj hwjchim tiv thaiv tus niam, thiab tus niam yuavtsum yog ua rau tus Tswv zoo siab zoo ib yam li cov roj txiv ntoo tsw qab ntxiag, tiamsis qhov uas tus pojniam tsis mloog lus ua rau muaj kev tsis sib haum thiab kho tsis tau.
Cia kom tiv dhau tej kev tsis sib haum hauv kev txijnkawm li ntawd, yuavtsum muaj tswvyim thiab xyuam xim. Thaum muaj tej kev npautaws, peb tau nqua hu kom ua qhov zoo thiab hais kom haum. Cia li ntseeg hais tias Vajtswv koob hmoov muaj txaus txhawb peb zog, Nws pub qhov zoo thiab kho tau peb tsevneeg. Yog li ntawd, thaum ntsib raug tej kev sim siab ntawm tus pojniam uas yws taus, peb yuavtsum nrhiav kev ua raws li Vaj Ntsujplig nyiam thiab cov ntseeg tej lus ntuas. Qhov no tej zaum yog tagnrho qhov uas: Ua tib zoo mloog thiab ua siab ntev, nrhiav kev totaub tus pojniam lossis tus txiv. Sib hais los ntawm kev txhim kho, hais qhov tsis yog xwb txhob sib cav kom muaj yeej swb. Nrhiav kev ua raws li Vajtswv Txojlus qhia kom tiv dhau tej kev nyuaj ntawd. Ua siab ntev, zoo siab hlo zam txim thiab tuav rawv tej lus cog tseg hauv kev ua txijnkawm.
Thov Vajtswv,
Leej Txiv tus muaj hwjchim, ua Koj tsaug vim muaj Koj Txojlus txawj ntse. Thov qhia nyuam yaus zeem paub thiab hloov siab thaum muaj kev tsis sib haum. Thov pub kom nyuam yaus ua taus siab ntev, tau koob hmoov ua tus neeg coj kev thajyeeb hauv cov kev sib raug zoo, nyuam yaus thiaj qhia tshwm Koj txojkev hlub tawm rau lwm tus pom. yuam yaus tuav Tswv Yexus Khetos lub npe thov, Amees.
Thaum ntsib raug tej kob cua daj cua dub tsis sib haum hauv txijnkawm, peb tau vamkhom tus Tswv pab daws li cas?
Nyeem Vajluskub hauv peb lub xyoo: Exethaws 3
Kênh Youtube BHKTHN:
