Pajlug 29:26
Nqe cim:
“Txhua leej txhua tus xav kom tus thawjcoj txaus siab rau nws, tiamsis tsuas yog tus Tswv thiaj muab tau kev ncaj ncees” (Pajlug 29:26)
Phau Txhais Tshiab hais tias,
“Neeg coob nrhiav kev ua kom tus thawjcoj hlub lawv, tiamsis Yawmsaub yog tus uas txiav txim ncaj rau neeg” (HMOWSV)
Lus nug xav:
– Vajntxwv Xalumoos muab tus duab twg los qhia txog neeg qhov kev vamkhom?
– Neeg cia siab rau qhov kev vam ntawd zoo li cas?
– Peb cheemtsum muaj tus cwjpwm twg rau tej meejmom nyob hauv ntiajteb no?
Nyob rau tiam thaud, lub zog vamkhom loj tshaj yog vajntxwv, qhov no muaj coob leej “thov”, lossis nrhiav kev “pab ntawm vajntxwv”. Kev “pab ntawm vajntxwv” yog hais txog “vajntxwv lub ntsejmuag”! Lub ntsejmuag qhia tshwm txojkev xav, kev ua thiab tus cwjpwm ntawm ib tug neeg, yog li ntawd coob leej ntsia vajntxwv “lub ntsejmuag” thaum hais lus thiab ua. Yog li, nqe Pajlug no hais txog qhov uas ntau leej neeg nrhiav kev ua kom vajntxwv txaus siab thiab kev pab ntawm vajntxwv.
Pajlug 29:25 hais txog lub vojhlua neeg ntshai ces nqe 26 hais txog txojkev ruam thaum vamkhom tibneeg, txawm yog tus ntawd yog vajntxwv. Ua tib zoo saib thaum Vajtswv Txojlus nqua hu kom peb saib taus lub meejmom uas tej nomtswv tswj (Loos 13:1-9). Tiamsis, nqe Pajlug no ceebtom txog qhov yuam kev, qhov ntawd yog peb txiav txim siab vamkhom tej uas yus hais tias yog kev ncaj ncees uas ib tug thawjcoj ua, peb hnov qab tias tsuas yog Vajtswv xwb thiaj yog tus coj ncaj ncees xwb. Ua lwm seem lus hais, peb yuav tau nco ntsoov tias cov thawjcoj yeej tseem yog neeg txhaum, muaj nrim, lawv muaj kev ntshaw thiab kev qaug zog (Tes Haujlwm 24:25-27), pab tsis tau (I Kauleethaus 2:6,8), thiab tsis ruaj khov (Phau Ntawv Nkauj 146:3-4). Lawv yog neeg txhaum, thiab peb yuav tsum ua tib zoo saib tsis txhob tso siab rau lawv heev dua li uas tso siab rau Vajtswv (Phau Ntawv Nkauj 146:3-7).
Txojkev ncaj ncees tseeb tsuas nrhiav tau ntawm Vajtswv vim Nws yog tus uas ntsia pom tagnrho peb lub siab thiab yog tus uas txawj ntse heev. Vajtswv txojkev txiav txim ncaj ncees tej zaum yuav tsis raug peb tam sim no tiamsis yeej yuav muaj tiav thaum lub ntiajteb no kawg (Loos 2:5-6; II Kauleethaus 5:10). Qhov no kuj txhais tau tias peb tsis txhob poob siab thaum pom peb cov thawjcoj ua tej yam tsis zoo, ua yuam kev. Peb cheemtsum qaij tej kev ua saib tsis taus thiab thuam cov thawjcoj, lossis ua tus tsis paub thaum muaj tej kev tsis zoo, ua txhaum.
Ua lwm seem lus hais, yog xav kom peb muab txojkev ntseeg tus Tswv ua txojkev cia siab tseemceeb rau Pawg Ntseeg kev tswj coj thiab tebchaws, peb yuav tsum tsis txhob muaj tus cwjpwm qhuas lossis xyemxyav rau cov thawjcoj vim lawv kuj yog tibneeg xwb. Ob tug cwjpwm no tsis yog ua ntxhov sawvdaws kev ua neej xwb, nws tseem ua rau Vajtswv tus uas loj tshaj tib neeg lub npe raug thuam.
Thov Vajtswv,
Tus Tswv, thov Koj pab kom nyuam yaus niaj hnub saib ntsoov Koj thiab ruaj siab ntseeg Koj txojkev ncaj ncees, thaum ntsib tej kev tsis ncaj ncees hauv ntiajteb no. Nyuam yaus tuav Tswv Yexus hetos lub npe thov, Amees.
Leejtwg yog tus uas koj ntseeg?
Nyeem Vajluskub hauv peb lub xyoos: Phau Ntawv Nkauj 79-80
Kênh Youtube BHKTHN:
