Tơdrong Pơđơ̆k 27:15-16
“Hngăt lĕch ling lang năr ‘mi tih, Thoi bơngai drŏ-kăn mơkoh noh tơhil ling lang. Bu wă khă sư, thoi khă kial, Kŭm thoi tơpang ti ‘ma rôp kơđôp rơmă.”(Tơdrong Pơđơ̆k 27:15-16)
Nơ̆r jet tơchĕng pơwao:
– Bơngai Akăn mơkoh đei pơtih gia hăm tơdrong kiơ?
– Pơm thoi yơ wă hơmet tơdrong mơkoh ‘nâu?
– Lu bơ̆n yua iŏk ‘bai pơhrăm ‘nâu lăm hnam dơnŏ bơ̆n thoi yơ?
Tơdrong Pơđơ̆k 27:15-16 đei pơtih gia gah dôm tơdrong pơlong gô truh kơplah tơ’bưh hăm bơngai akăn mơkoh, păng wă kơ bơ̆n pơ’lơ̆ng gơh hlôi đơ̆ng tơdrong ưh kơ hiôk hơiă lăm ŭnh om hăm tơdrong krao khan, gơh hơgei păng pơ’lơ̆ng.
Pơtao Sôlômôn pơtŏ pơting minh ‘nu akăn mơkoh thoi đak ‘mi kơtoh hơnơ̆ng đơ̆ng bơbŭng hnam lăm năr ‘mi, jơ̆ minh tơdrong pơm kơ đe blĕk ưh kơ đĭ, ưh kơ pơdơh hăm tơdrong hiôk hơđơ̆ng lăm hnam dơnŏ. ‘Bar tơdrong ‘noh pơm ưh kơ hiôk. Bơngai drŏnglo mă oei lăm hnam dơnŏ hăm hơpơi wă kơ đei tơdrong pơdơh hiôk, bơwei đơ̆ng kial hơbŭt, mălei sư lăp ‘bôh đak kơtoh hơnơ̆ng đơ̆ng bơbŭng hnam ưh kơ đei bơwei sư huay kơ hơ’yuh đơ̆ng đak ‘mi kơtoh. Lei lăi thoi noh, sư chă akăn hăm tơdrong hơmĕng đei tơdrong hiôk tơnŏ, pơdơh hiôk, mălei akăn sư mơkoh dêh, pơm kơ jơhngơ̆m sư ưh kơ hiôk hloi.
Adrin “wă khă sư” đei pơtih gia thoi yơ̆r ti khă kial. Kư̆m thoi tơpang ti ‘ma rôp kơđôp rơmă, ưh kơ đei yua kiơ, yua kơ bơngai drŏkăn mơkoh nhen thoi ưh kơ gơh pơgơ̆r dah mă kĕ chơ̆n. Trŏ kơ pơjăm păng che bơle tơpă, hnam dơnŏ trŏ kơ sư đei bơwei đơ̆ng kial hơbŭt, mălei tă kơ drŏkăn ‘noh thoi kial hơbŭt pơrăm tơ lăm hnam. Ti gah ‘ma ‘lơ̆ng rŏ kơjăp đơ̆ng bơngai klo trŏ sư athei bơwei, păng akăn trŏ sư pơm kơ klo sư chhôk thoi ‘bâu phu rơmă ôliu, mălei tơdrong arăng kơ̆l đơ̆ng bơngai akăn pơm jing minh tơdrong ưh kơ lăp trŏ jing ưh kơ hiôk, păng ưh kơ gơh hơmet.
Wă hơmet tơdrong ưh kơ hiôk lăm tơdrong ŭnh om thoi noh kăl kơ đei tơdrong gơh hơgei păng pơ’lơ̆ng. Tơplih kơ tơdrong tơ’bôh jơhngơ̆m blĕk, wă kơ bơ̆n tơl tơwih hăm tơdrong brơ̆k mơnat păng pơkă hơmet pơhiôk dih băl. Athei lui ngeh thoi âu tơdrong Kră Yang ‘Bok Kei-Dei mơnat tôm mah wă hơtŏk lu bơ̆n, Sư gơh ba ăn tơdrong hơmet ming păng pơklaih hnam dơnŏ bơ̆n. Kơlih kơ thoi noh, kơplah tơ’bưh hăm bơngai akăn mơkoh, bơ̆n athei chă tơdrong bơtho tơ’bôh đơ̆ng Yang Bơhngol ‘Lơ̆ng păng nơ̆r bơtho pơlung đơ̆ng bơngai gơh hơgei lăm Kră Yang. Tơdrong đei dôm: Adrin mơ̆ng păng ‘brơ̆k mơnat, chă trong wă kơ hlôh akăn dah klo. Pơma tơ’bưh pơjing tơiung, tơchĕng gah tơdrong hơmet ming tơplih kơ tơdrong thuơ răm dah jei. Chă tơdrong bơtho tơ’bôh gơh hơgei lăm nơ̆r Kră Yang wă kơ hlôh đơ̆ng tơdrong anat, kĕ chơ̆n wă hơmet păng pơkă kơjăp hăm tơdrong klo kăn.
Ơ ‘Bă mă oei tơ plĕnh ti, bơnê kơ Ih yua kơ tơdrong gơh hơgei lăm nơ̆r Ih. Apinh Ih tơgŭm inh băt păng tơplih jơhngơ̆m ưh kơ hiôk ayơ lăm inh, ăn kơ inh tơdrong kĕ ĕnh chơ̆n, tơdrong mơnat wă kơ inh jing bơngai ba tơdrong hiôk hơđơ̆ng lăm dôm tơdrong tơ’bưh băl, wă kơ tơdrong arih inh ling lang tơ’bôh jơhngơ̆m ‘mêm Ih, krao khan yua anăn Kră Yang Yêsu Krist, Amen.
Kơplah bơ̆n tơ’bơ̆p tơ’bưh hăm dôm tơdrong thoi kial hơ’bŭt ưh kơ hiôk lăm ŭnh om, bơ̆n athei gơnang kơ Kră Yang wă hơmet thoi yơ?
Đŏk Sơ̆p Hla bơar ‘Bok Kei-Dei lăm pêng sơnăm: Êsơtê 3
Kênh Youtube BHKTHN:
