Filipis 1:27-30
Nqe cim:
“Tiamsis qhov tseemceeb nej yuav tsum ua nej lub neej raws li Yexus Khetos txojmoo zoo,… lawv thiaj paub hais tias lawv yuav kov tsis yeej nej, nej yuav kovyeej lawv, rau qhov Vajtswv yuav pab kom nej kovyeej lawv.” (Filipis 1:27-28)
Lus nug rau sawvdaws xav:
– Ua neej “raws li Txojmoo Zoo” thiab txojkev cawm dim puas muaj qhov sib txuas thiab zoo li cas?
– Yuav ua li cas kom ua tau lo lus samhwm no?
– Cov lus qhia no pab kom peb tiv dhau tej kev sim siab thaum raug cov tsis ntseeg ntxub, tawmtsam li cas?
Txojkev cawm dim Vajtswv pub los ntawm txoj koob hmoov hlub thiab peb txais los ntawm txojkev ntseeg (Efexus 2:8-10), kev ntseeg tsis ua haujlwm yog kev ntseeg tuag (Yakaunpaus 2:17). Hais ua lwm seem lus, ua neej raws li Txojmoo Zoo ib ke yog ua timkhawv ib ke yog tej paj txiv ntawm txojkev cawm dim qhia tawm.
Ua neej “raws li Txojmoo Zoo”, thawj qhov yuav tsum “nyob ruaj” (nqe 27- Hmowsv). Nov yog lo lus hais txog tus tubrog zov yeebncuab nres nroos nws qhov chaw tsis txav. Tus ntseeg Yexus cheemtsum sawv ruaj hauv tus Tswv, qhov tseeb, thiab kev ncaj ncees. Txuas ntxiv, cheemtsum “ua ib lub siab”. Koom ib lub cev, cov ntseeg Yexus cheemtsum muaj cov kwvtij ntseeg nyob hauv Pawg Ntseeg pab kom yus “nyob ruaj” hauv txojkev ntseeg. Peb yuav tsum “ua ib lub siab, rau qhov peb yog tus Tswv neeg thiab koom ua ke hauv tus Tswv. Yog li, muaj txojkev koom siab nyob hauv Pawg Ntseeg yog qhov ua kom Pawg Ntseeg ruaj khov. Dua li ntawd, Pawg Ntseeg tseem yuav tsum “tawm tsam yeebncuab rhuav kev ntseeg. “Ua ib lub siab tawmtsam” yog lo lus txuas hauv lus Kilis, qhia tawm tus duab khwv khwv uas cov tub sib tw yuav tsum tau siv zog, sib pab kom muaj yeej. Kuj zoo ib yam nkaus, qhov uas “nyob ruaj” hauv txojkev ntseeg thiab sib txuas “ua ib lub siab” nrog cov ntseeg tawmtsam yeebncuab rhuav Txojmoo Zoo thiaj tsis ntshai.
Ob qhov tseemceeb pab peb tawmtsam yeej nyob hauv kobrog sab ntsujplig yog qhov uas dhau ntawm Tswv Yexus, Vajtswv pub rau peb “txoj koob hmoov… los ua Yexus Khetos txoj haujlwm” thiab “raug kev txomnyem” vim Nws (nqe 29). Kev cawm dim thiab tiv txomnyem puavleej yog tus Tswv pom zoo pub. Peb yuav tsis paub ntseeg Yexus yog tias Vajtswv tsis pub Nws txojkev hlub rau peb, thiab peb kuj tsis muaj qhov tiv txomnyem vim tus Tswv yog hais tias Nws tsis pub peb raug li ntawd.
Cov ntseeg nyob hauv lub nroog Filipis thiab peb cov ntseeg tamsim no tsis yog cov uas thiaj raug sim siab xwb, thiab kuj tsis yog cov uas tsis tau paub kev muaj yeej thaum raug sim siab. Timthawj Paulus yog ib tug timkhawv ntsig txog tus neeg nyob ruaj khov tawmtsam yeebncuab sab nraud thiab sab hauv tuaj vim yog txoj koob hmoov Vajtswv pub (nqe 30). Zeem paub tagnrho cov ntseeg tabtom nrog peb nyob ruaj ua ke, nov yog ib qhov kev txhawb zog thiab yog lub zog ua rau peb tiv dhau tej kev sim siab thaum los raug peb lub neej.
Thov Vajtswv,
Vajtswv, nyuam yaus ua Koj tsaug vim Koj pub nyuam yaus nrog Koj tiv kev txomnyem thiab txav deb lub ntiajteb. Thov Koj ua kom nyuam yaus cia siab ntsoov rau Koj txoj koob hmoov, kom muaj yeej hauv lub neej nrog Koj mus. Nyuam yaus tuav Tswv Yexus lub npe thov, Amees.
Tus qauv muaj yeej ntawm timthawj Paulus txhawb tau peb lub zog zoo li cas?
Nyeem Vajluskub hauv peb lub xyoo: Yauhas 6
Kênh Youtube BHKTHN:
