Efexus 4:11-16
Nqe cim
“Nws ua li ntawd twb yog nws qhia kom cov ntseeg paub ua Vajtswv tes haujlwm; cov ntseeg uas yog Yexus Khetos lub cev thiaj li yuav txawj loj hlob zuj zus.” (Efexus 4:12).
Lus nug rau sawvdaws xav:
– Lub homphiaj pub Pawg Ntseeg muaj ntau yam koob hmoov yog li cas?
– Siv qhov koob hmoov tus Tswv pub los txhim tsa Pawg Ntseeg muaj qabhau dabtsi?
– Peb tabtom koomtes rau tes haujlwm txhim tsa Pawg Ntseeg thiab cob qhia tibneeg li cas?
Timthawj Paulus qhia paub tes haujlwm qhia Vajtswv Txojlus thiab cob qhia tibneeg ua haujlwm rau Pawg Ntseeg ntawm cov Timthawj, cev Vajtswv lus, xibhwb qhia Txojmoo Zoo, xibhwb thiab xibhwb qhia yog “qhia kom cov ntseeg paub ua Vajtswv tes haujlwm; cov ntseeg uas yog Yexus Khetos lub cev thiaj li yuav txawj loj hlob zuj zus.” (nqe 12). Ua lwm seem lus hais, qhov haujlwm tseemceeb ntawm xibhwb thiab cov neeg qhia kev ntseeg yog pab kom Vajtswv cov menyuam zeem paub lawv qhov koob hmoov, cob qhia thiab pub sijhawm rau lawv koomtes ua Vajtswv haujlwm. Yog tus thawjcoj tswj, thiab ua txhua yam haujlwm hauv Pawg Ntseeg tagnrho ces yuav ua tsis taus.
Kev cob qhia neeg thiab cob haujlwm rau lwm tus nrog ua yog ib tus cai hauv Vajtswv Txojlus qhia kom txhim tsa “Yexus Khetos lub cev” (nqe 12b) thiab ua tabpov rau txojkev loj hlob ntev ntev nyob hauv Pawg Ntseeg (II Timautes 2:2). Yog li ntawd, cov timthawj, cev Vajtswv lus, xibhwb qhia Txojmoo Zoo, xibhwb thiab xibhwb qhia nrog rau tagnrho cov ntseeg yuav tsum siv txoj koob hmoov uas tus Tswv pub los koomtes txhim tsa Pawg Ntseeg. Tagnrho tej koob hmoov sab ntsujplig puavleej yog koob hmoov ua haujlwm thiab tau pub tsis yog siv raws li yus lub siab qia dub, tiamsis yog ua tus Tswv haujlwm thiab pab lwm tus. Totaub qhov no, peb yuav tsum ua tib zoo saib, tsis txhob muab koob hmoov zais cia, tsis txhob siv tej koob hmoov tus Tswv pub los nrhiav kev zoo rau tus kheej tiamsis siv raws li tus Tswv siab nyiam, tsis txhob khav tej koob hmoov tus Tswv pub rau yus, thiab tsis txhob txwv lwm tus siv tej koob hmoov uas tus Tswv pub rau lawv.
Qhov uas ib leeg txhawb ib leeg raws li Vajtswv Txojlus thiab sib pab siv tej koob hmoov kom loj hlob yuav ua rau muaj kev sib koom siab nyob hauv Pawg Ntseeg thiab ua rau Pawg Ntseeg vammeej (nqe 13). Vim qhov uas muaj ntau txoj koob hmoov hauv Pawg Ntseeg sib pab, Pawg Ntseeg thiaj muaj kev loj hlob puv ntoob.
Peb txhua tus cheemtsum muaj lub siab npaj rau Pawg Ntseeg los ntawm qhov uas pab txhua tus zeem paub lawv qhov chaw nyob hauv tus Tswv lub cev thiab tej koob hmoov tus Tswv pub rau, kom paub siv tej koob hmoov ua raws li Nws qhia, thiab siv zog txhim tsa kev sib koom siab hauv Pawg Ntseeg raws li tus cai hauv Vajtswv Txojlus. Thaum ua li ntawd, Pawg Ntseeg yuav muaj cov neeg paub siv tej koob hmoov tus Tswv pub tsis tu ncua thiab nthuav dav Vajtswv lub Tebchaws.
Thov Vajtswv,
Tus Tswv, ua Koj tsaug qhov uas Koj tsa muaj Pawg Ntseeg kom nyuam yaus tau hlub, lees yuav, tau kawm thiab qhia Koj Txojlus, tau saib xyuas kom loj hlob txhua hnub. Thov Koj pab kom nyuam yaus rau siab ntso ua ntxiv tes haujlwm txhim tsa Pawg Ntseeg, tshwjxeeb yog qhia Koj Txojlus rau lwm tus. Nyuam yaus tuav Tswv Yexus lub npe thov. Amees.
Ib tsoom cov mloog uas hmov thiab tshua,
Peb puas kub siab lug koomtes rau tes haujlwm txhim tsa Pawg Ntseeg thiab siv tej koob hmoov tus Tswv pub los cob qhia tibneeg lawm tau?
Nyeem Vajluskub hauv peb lub xyoo: II Petus 1
Kênh Youtube BHKTHN:
