Klei Aê Diê Blŭ: Klei Kbiă 28:15-29
Êlan kliăng: “Brei ih ngă mnal đah da klei phat kđi hŏng klei mbruă; brei ih ngă ñu msĕ si ao êphôt hŏng mah, čhiăm piơk, hrah jŭ, hrah huč, leh anăn kbuă điêt aruăt.” (Klei Kbiă 28:15).
Klei êmuh ksiêm mĭn: Si hdră mkra mjing mnal đah da klei phat kđi? Ya klei drei bi mĭn kơ bruă anăn grăp čô anak êkei Israel dưi ktur hlăm sa boh tâo yuôm hlăm mnal đah da? Si klei mñă kơ drei jing yuôm bhăn ti anăp Aê Diê leh anăn ya klei drei hluê ngă mơ̆ng klei hriăm anei?
Mnal đah da klei phat kđi mâo rup mta dhar, grăp tĭng dlông sa kgam kngan, dưi kčoh dua tal hŏng mah, čhiăm piơk, hrah jŭ, hrah huč, leh anăn kbuă điêt aruăt (êlan 15). Klei yuôm bhăn hĭn hlăm mnal đah da klei phat kđi jing pă pruê̆ boh tâo yuôm. Jih asăr boh tâo anăn brei ih mƀlir hlăm griŏ mah. Ênoh boh tâo anăn jing pluh dua asăr hlue si anăn phung anak êkei Y‑Israel; arăng srăng ktur digơ̆ msĕ si mnơ̆ng kđăm (êlan 17-21). Arăng kă mnal đah da ti anăp dua kwang griŏ dôk ti čhiăm guôm mra ao êphôt. Arăng kă mnal đah da ti kwang ñu hŏng kwang ao êphôt hŏng klei kuĭ piơk, čiăng kơ mnal đah da amâo tlaih ôh mơ̆ng ao êphôt. Tơdah Y‑Arôn mŭt hlăm anôk doh jăk srăng djă anăn phung anak êkei Y‑Israel hlăm mnal đah da klei phat kđi ti dlông tiê boh ñu, čiăng jing sa klei bi hdơr nanao ti anăp Yêhôwa (êlan 29).
Klei bi êdah kdrêč 21 lač kơ adiê mrâo, lăn mrâo leh anăn ƀuôn Yêrusalem mrâo, hlăm anăn, tur mơ̆ng ƀuôn doh jăk dưi mkra hŏng dŭm mta boh tâo yuôm lač leh hlăm mnal đah da, leh anăn anăn pluh dua khua djuê ana Israel dưi čih ti pluh dua ƀăng jang mŭt hlăm ƀuôn prŏng. Sa blư̆ dơ̆ng, mơ̆ng rup mnal đah da klei phat kđi leh anăn rup ƀuôn prŏng doh jăk, drei ƀuh Aê Diê mpŭ kơ phung anak êkei Israel, anăn diñu dưi ktur hlăm boh tâo yuôm leh anăn hlăm dŭm boh ƀăng mŭt hlăm ƀuôn doh jăk čiăng bi hdơr nanao ti anăp Ñu.
Khua Yang Yêsu mpŭ nanao kơ Phung Sang Aê Diê jing mô̆ Ñu, ăt msĕ si grăp čô jing anak Ñu. Aê Diê khăp kơ drei leh anăn jing yuôm bhăn hŏng Ñu. Klei drei jing yuôm bhăn dưi bi mklă hŏng klei Khua Yang Yêsu săn asei djiê hrô bi tui phung drei. Mâo anăn iêô dưi jing phung ƀuôn sang Ñu bi mklă ênoh yuôm, klei yuôm bhăn leh anăn klei mĭn drei hdĭp. Khua ƀĭng kna Y‑Yôhan čih leh: “Tơdah Y‑Arôn mŭt hlăm anôk doh jăk, ñu srăng djă anăn phung anak êkei Y‑Israel hlăm mnal đah da klei phat kđi ti dlông tiê boh ñu, čiăng jing sa klei bi hdơr nanao ti anăp Yêhôwa” (I Y‑Yôhan 3:1). Thâo săng klei anei mđĭ ai drei hdĭp năng hŏng klei Aê Diê khăp kơ pô leh anăn ăt čiăng kơ phung mkăn ƀuh Aê Diê hlăm klei hdĭp drei.
Si ngă drei dôk hdĭp ti anăp klei pap prŏng prĭn Aê Diê brei leh kơ pô?
Wah lač: Ơ Khua Yang Yêsu, bi mni kơ Ih săn asei djiê ti kyâo bi kal čiăng brei kơ kâo blah ao kpă ênô ti anăp Aê Diê! Kâo thâo săng kâo dưi khăp leh anăn yuôm bhăn snăk ti anăp Tlâo Yang. Akâo kơ Ih đru kâo mprăp kâo pô bi jăk siam, doh jăk; hdĭp hŏng klei đaŏ grăp hruê čiăng dôk guôn hruê dưi ƀuh Aê Diê guh kơang.
Klei hriăm mblang mơ̆ng klei hriăm Klei Aê Diê Blŭ grăp hruê mơ̆ng Knơ̆ng bruă mtô mjuăt klei đaŏ Sang Aê Diê kluôm
Tơdah mâo klei blŭ mguôp, akâo kơ diih mơĭt hră hlăm gmail: radioelansitnik@gmail.com
Dlăng Klei Aê Diê Blŭ hlăm tlâo thŭn: I Klei Yăl Dliê 1:1-31
Kênh Youtube BHKTHN:
