Filipis 2:14-16
Nqe cim:
“Nej thiaj yuav ua tau neeg zoo uas tsis muaj leejtwg yuav thuam tau, thiab ua tau Vajtswv cov menyuam uas zoo kawg nkaus uas nrog cov neeg tsis ncaj thiab muaj txim nyob ua ke hauv ntijteb no. Thaum nej qhia Vajtswv txojlus uas cawm neeg txojsia.” (Filipis 2:15)
Lus nug rau sawvdaws xav:
– Timthawj Paulus qhia kom cov ntseeg Yexus yuav tsum ua neej zoo li cas nyob hauv ntiajteb no?
– Ua neej li no yuav tau txais cov nqi zog twg?
– Peb muaj kev coglus li cas?
Nyob ntawm cov cwjpwm cheemtsum qaij (nqe 14), Timthawj Paulus samhwm kom cov ntseeg yuav tsum ua neeg zoo thaum tseem nyob nrog ntiajteb.
Thib ib, ntsig txog tus kheej, cov ntseeg Yexus yuav tsum “ua tau Vajtswv cov menyuam uas zoo kawg nkaus.” Tsis yog cov uas tsis yws thiab tsis nrog tus Tswv sib cav thaum nrog tus Tswv mus thiaj tau ua Vajtswv menyuam, tiamsis vim peb twb tau cawm dim lawm, mas tsis tshob yws thiab tsis txhob cav tus Tswv, cia li ua raws li Nws lub siab nyiam. Uas yog “ua zoo kawg nkaus” txhais tau tias tsis ceb, tsis txoom. Paulus rov hais dua cov lus no nram qab ntawd thaum nws hais kom peb yuav tsum “ua zoo kawg nkaus”. Tus ntseeg Yexus yuav tsum ntsia ntsoov tus ciam tom kawg tsis txhob ua yuam kev ntawm sab ntsujplig thiab kev ua zoo kom neeg ntiajteb tsis muaj dabtsi thuam tau. Txuas ntxiv yog ua lub neej “tsis ceb” txhais tau tias “zoo txaus, dawbhuv”. Ua neej nrog lub ntiajteb tiamsis cov ntseeg Yexus tsis txhob ua li neeg ntiajteb ua.
Thib ob, ntsig txog ntiajteb, cov ntseeg Yexus yuav tsum “ci rau lawv ib yam li cov hnubqub uas ci saum nruab ntug”. “Ci” yog siv tus duab ci hais txog hnub hli lossis cov hnubqub. Cov neeg nyob hmo ntuj cheemtsum lub hnub lub hli ci kom pom kev li cas ces lub ntiajteb no cheemtsum tus Tswv qhovkaj ci dhau ntawm cov ntseeg Nws zoo li ntawd. Peb tsis ua neej zoo li neeg ntiajteb ua kom ntiajteb lees yuav, tiamsis yuav tsum ci, coj ntiajteb kev los ntawm qhov “ua neeg zoo”. Peb ua teeb ci rau neeg ntiajteb vim peb YOG “Vajtswv menyuam”, UA NEEJ hauv Vajtswv, thiab QHIA TAWM Vajtswv rau neeg ntiajteb. Yam uas cov ntseeg Yexus coj los rau ntiajteb tsis yog “ib txoj kev ntseeg twg” tiamsis yog “txoj kev ntseeg Vajtswv uas ciaj sia”.
Thib peb, ntsig txog Pawg Ntseeg (nqe 16). Timthawj Paulus muab nws lub neej tagnrho ua haujlwm vim tus Tswv thiab Pawg Ntseeg. Paulus twb tau txais qhov muaj nqis, kev zoo siab, kev kaj siab tseeb, thiab coj tau ntau leej los paub Vajtswv. Qhov ua neej li no txhawb tau zog, ua koob hmoov, thiab nqi zog rau Pawg Ntseeg (Filemaus 7; III Yauhas 3-4).
Ua neej nrog “cov neeg tsis ncaj, muaj txim”, tus Tswv cov menyuam yeej yuav ntsib raug txojkev tsimtxom, thuam ntawm neeg ntiajteb. Peb tsis tawmtsam los ntawm qhov hais tiamsis peb ua neej raws li txojkev ntseeg kom ua tau lub teeb ci rau neeg ntiajteb pom, kom peb tiv dhau tej kev sim siab thiab coj tau ntau leej los paub Vajtswv thiab ua neej zoo li peb.
Thov Vajtswv,
Vajtswv, thov Koj qhia kom nyuam yaus paub ua neej phim Txojmoo Zoo, dhau nyuam yaus lub neej txhua hnub kom ua tau zoo ib yam li Koj, thiab coj tau cov tsis tau ntseeg los paub Koj thiab ntseeg Koj. Nyuam yaus tuav Tswv Yexus lub npe thov, Amees.
Peb puas txaus siab hlo cia tus Tswv siv peb ua teeb ci rau neeg ntiajteb ntawm qhov chaw peb nyob lawm tau?
Nyeem Vajluskub hauv peb lub xyoo: Yauhas 8
Kênh Youtube BHKTHN:
