Mathais 25:1-13
Nqe cim:
“Nej yuav tsum ceevfaj, rau qhov nej tsis paub hnub twg thiab lub sijhawm twg yuav muaj li ntawd” (Mathais 25:13)
Lus nug xav:
– Tswv Yexus hais zaj lus ua tshoob no qhia txog yam dabtsi?
– Qhov zoo sib thooj thiab txawv ntawm tsib tus muaj tswvyim thiab tsis muaj tswvyim yog dabtsi?
– Vim li cas peb cheemtsum ceevfaj thiab txaus siab hlo nyob tos tus Tswv rov qab los?
Tswv Yexus tham zaj lus hais txog “Ntuj Ceebtsheej piv ib yam li kaum tus hluas nkauj uas taws teeb mus tos tus nraug vauv” ncaj rau hnub ua tshoob yog qhia txog kev ceevfaj thiab txaus siab hlo nyob tos tus Tswv rov qab los. Cov neeg Yudais kev txais nyab ua thaum tsaus ntuj. Niamtxiv tog ntxhais npaj kaum tus hluas nkauj nrog tus nkaujnyab taws teeb tos tus nraug vauv. Hauv kaum tus hluas nkaus no muaj “tsib tug muaj tswvyim”, lawv npaj roj txhab txaus nkaus, “tsib tug tsis muaj tswvyim” tsis npaj roj txhab mus. Nqe 5 qhia paub “lig lig lawm tus nraugvauv pheej tsis txawj tuaj li”, yog li teeb roj tas, tsib tug muaj tswvyim muaj roj txaus txhab ntxiv, tsib tug tsis muaj tswvyim mus yuav roj, thaum lawv mus yuav roj ces tus nraugvauv txawm tuaj, tsib tug muaj tswvyim “txawm nrog tus nraug vauv mus noj tshoob hauv tsev, thiab kaw qhovrooj rau lawm” (nqe 10).
Kaum tus hluas nkauj tos tus nraugvauv thaum xubthawj zoo thooj ib yam, vim lawv puavleej muaj teeb thiab lawv cov teeb puavleej cig nyob tos nraugvauv tuaj. Tiamsis txawv qhov tsib tug muaj tswvyim paub npaj roj txhab thaum lub tees tas roj, tsib tug tsis muaj tswvyim tsis npaj roj txhab ntxiv. Lawv thov roj ntawm tsib tug muaj tswvyim tiamsis tsis tau, vim roj tsis txaus, lawv thiaj dhia mus yuav roj, thaum ntawd tus nraugvauv tuaj. Raws li kev coj noj coj ua, thaum tus nraugvauv tuaj hauv tsev thiab kevcai tshoob pib ua ces yuav tsis pub cov neeg sab nraud mus hauv tsev lawm. Tsis muaj sijhawm rau cov uas tsis muaj tswvyim. Tus Tswv xaus lus li no: “Nej yuav tsum ceevfaj, rau qhov nej tsis paub hnub twg thiab lub sijhawm twg yuav muaj li ntawd” (nqe 13).
Hauv zaj lus no, tus nraugvauv pivtxog Tswv Yexus, kaum tus hluas nkaus pivtxog tus Tswv haivneeg, teeb thiab roj yog kev npaj sab ntsujplig. Phau Vajluskub Tshiab pheej muab Tswv Yexus piv zoo li choj nyiaj, Pawg Ntseeg yog Yexus tus nkaujnyab (Mathais 9:15; Tshwmsim 19:7-9; 21:2). Feem xyuam ntawm tus Tswv haivneeg yog yuav tsum ceevfaj. Thaum tshab txhais rau cov thwjtim txog qhov tus Tswv los thiab lub ntiajteb no kawg, muaj ntau zaus Nws hais tias cia li “ceevfaj”. Mus rau hauv lub tuamtsev, tus mojyam sab nraud, txhua tus zoo ib yam nkaus, tiamsis qhov tseemceeb yog cais tau “tus muaj tswvyim” thiab “tus neeg tsis muaj tswvyim” yog nyob ntawm qhov muaj lub siab “ceevfaj”. Tus Tswv rov qab los tsis muaj leejtwg paub, yog li yuav tsum npaj kom txhij nyob tos Tswv Yexus rov los txhua lub sijhawm. Tsis txhob xav yuam kev hais tias yus tabtom tuav ib txoj haujlwm loj nyob hauv tuamtsev, lossis yug hauv tsevneeg ntseeg zoo, lossis muaj pogyawg ua haujlwm hauv koomhaum… “ceevfaj” yog qhov haujlwm uas txhua tus neeg tabtom nyob ntawm Vajtswv, tsis muaj leejtwg yuav qiv tau lwm tus txojkev ntseeg. Thov Vajtswv pub rau peb ua tau “tus neeg muaj tswvyim” kom tsis poob ntsejmuag hnub tus Tswv rov qab los.
Thov Vajtswv,
Vajtswv, thov Koj pab kom nyuam yaus nco ntsoov tias Koj los lub sijhawm twg los tau, kom nyuam yaus khaws tus Tswv tej lus qhia, tswj tuav lub siab nrog tus Tswv sib raug zoo, tuav kev ntseeg ruaj thiab ua neej pub rau tus Tswv, kom peb tsis poob qhov tig rov qab los cuag Nws. Nyuam yaus tuav Tswv Yexus lub npe thov, Amees.
Peb tabtom npaj dabtsi rau yus lub neej kom txaus siab hlo tos tus Tswv rov los?
Nyeem Vajluskub hauv peb lub xyoo: Nehemis 13
Kênh Youtube BHKTHN:
