Filemoos 1-3
Nqe cim:
“Cov uas ua rau neeg nyob sib haumxeeb, cov ntawd tau koob hmoov; Vajtswv yuav hu lawv hais tias, lawv yog Vajtswv cov menyuam!” (Mathais 5:9)
Lus nug rau sawvdaws xav:
- Timthawj Paulus sau tsab ntawv Filemoos nyob rau lub tsamthawj twg?
- Nyob hauv txoj haujlwm ua kom neeg sib haum, nws tau qhia kev txhawjxeeb txog Filemoos licas?
- Peb yuav tsum ua dab tsi hauv txoj haujlwm ua kom neeg sib haum?
Tsab ntawv Filemoos yog Timthawj Paulus sau rau xyoo 60 tom qab Yexus, thaum nws raug kaw hauv tsev lojcuj vim Tswv Yexus Txojmoo Zoo nyob hauv lub nroog Loos. Tsis zoo li lwm tsab ntawv, tsab ntawv no Timthawj Paulus tsis hais txog nws lub meejmom Timthawj, tiamsis nws txo hwjchim muab tus kheej hu ua ib tug uas “raug kaw”. Nws tsis siv lub meejmom Timthawj los quabyuam, tiamsis nws sau tsab ntawv rau Filemoolos los ntawm lub siab mos muag, sib ncawg zoo li ib tug phoojywg thov Filemoos kom rov qab txais yuav nws tus qhev. Vim li ntawd, thaum pib tsab ntawv, nws hais tias: “Kuv raug kaw rau hauv tsev lojcuj, rau qhov kuv qhia Yexus zaj” (nqe 1a). Thaum nyob hauv tsev lojcuj, Timthawj Paulus tau ntsib thiab pab Auneximus – yog ib tug qhev uas tau khiav tawm ntawm Filemoos tsev mus, los ntseeg Tswv Yexus. Tamsim no, Timthawj Paulus sau tsab ntawv xa mus rau Filemoos, uas yog Auneximus tus tswv, thov kom nws zam txim thiab rov qab txais yuav nws tus qhev no. Qhov no qhia pom hais tias txawm nyob hauv tsamthawj raug kaw, los yeej tav tsis tau Timthawj Paulus txoj haujlwm ua kom neeg sib haum. Nws tas siab ntsws pab kom Filemoos thiab Auneximus sib raug zoo.
Timthawj Paulus tabtom raug kaw, tiamsis nws kuj yog ib tug thawjcoj sab ntsujplig. Nws txhawjxeeb txog Filemoos thiab Filemoos tsev neeg (nqe 2a). Dhau ntawm tej lus thov Vajtswv, yim qhia pom txog Timthawj Paulus nplooj siab xav ua kom neeg sib haum, nws thov hais tias: “Thov Vajtswv tus uas yog peb leej Txiv thiab peb tus Tswv Yexus Khetos foom koob hmoov rau nej, thiab pub kom nej tau nyob kaj siab lug!” (nqe 3). Timthawj Paulus thov Vajtswv pab kom Filemoos thiab nws tsev neeg tau txais kev thajyeeb tiag tiag hauv Vajtswv thiab Tswv Yexus Khetos txojkev hlub. Qhov no yog tej koob hmoov peb tau txais tomqab uas los nrog Vajtswv sib raug zoo.
Tswv Yexus qhia tias: “Cov uas ua rau neeg nyob sib haumxeeb, cov ntawd tau koob hmoov; Vajtswv yuav hu lawv hais tias, lawv yog Vajtswv cov menyuam!” (Mathais 5:9). Vim li ntawd, yog Vajtswv cov menyuam, peb muaj feemxyuam ua tas dag tas zog pab peb cov kwvtij muaj kev sib haum nrog Vajtswv thiab nrog lwm tus. Ua kom neeg sib haum yog ib txoj haujlwm cheemtsum muaj kev hlub, kev kub siab ua los ntawm nplooj siab txo hwjchim thiab ua siab ntev. Vim muaj ntau zaus thaum pab lwm tus sib haum, peb yuav raug thuam, raug hais lus phem, raug ncha moo tsis zoo, thiab tseem raug poob nyiaj poob txiaj,… tiamsis nov yog ib txoj haujlwm tseemceeb yuav pab kom Pawg Ntseeg muaj kev sib koom thiab loj hlob mus rau qhov tob thiab qhov dav. Thiab qhov no yog ib nyob hauv tej koob hmoov uas Tswv Yexus qhia hauv zaj lus qhia saum roob. Thov Vajtswv pab kom peb txhua tus tsis txhob ua cov tsim muaj kev kub ntxhov, kev sibcais, tiamsis yuav yog cov uas coj kev sib haum mus rau txhua tus.
Thov Vajtswv,
Tus Tswv uas muaj kev hlub, nyuam yaus ua Koj tsaug uas tau ua Koj menyuam, tau sib raug zoo nrog Koj thiab lwm tus. Thov Koj pub lub zog rau nyuam yaus ua neej sib haum thiab pab tau lwm tus sib haum nrog Koj thiab nrog lwm tus. Nyuam yaus tuav Yexus Khetos lub npe thov, Amees.
Peb yuav tsum tiv dhau tej kev sim twg kom ua tau txoj haujlwm ua kom neeg sib haum?
Nyeem Vajluskub hauv peb lub xyoos: Yaxayas 28.
Kênh Youtube BHKTHN:
