Khiavdim 35:30-35
Nqe cim:
“Yog li ntawd, nej cia li tawm mus qhia txhua haivneeg hauv qab ntuj no, kom lawv los ua kuv cov thwjtim. Nej yuav tsum tuav Vaj Leej Txiv, Vaj Leej Tub thiab Vaj Ntsujplig tus Dawbhuv lub npe muab lawv ua kevcai raus dej. Thiab qhia kom lawv paub coj raws li tej uas kuv tau qhia rau nej lawm; thiab kuv yuav nrog nraim nej nyob mus txog hnub uas lub ntiajteb no kawg (Mathais 28:19-20).
Lus nug rau sawvdaws xav:
– Tus Tswv xaiv leejtwg ua cov coj sawvdaws ua tus Tswv lub tsev ntaub?
– Los ntawm dab tsi lawv thiaj ua tau tiav tes haujlwm uas tus Tswv txib?
– Tus Tswv xaiv peb los ua tes haujlwm twg, peb tau txais lub tswvyim twg thiab siv qhov ntawd li cas?
Peb pom hais tias, teg haujlwm ua lub tsev ntaub yog ib pab neeg muaj tswvyim, txawj ntse thiab muaj peevxwm ua tau yam ub yam no uas xaiv hauv haiv neeg Yixalayees los tuaj sib koom tes ua (nqe 10). Hauv cov neeg muaj tswvyim ntawd, tus Tswv xaiv Npexalees uas yog Uli tus tub thiab yog Hules tus xeebntxwv, thiab Auhauli-as uas yog Ahixamas tus tub hauv xeem Das (nqe 30-34) ua ob tug coj sawvdaws ua lub tsev ntaub.
Tus Tswv pub rau Npexalees thiab Auhauli-as nkawd “puv npo Vajtswv tus Ntsujplig”, muaj kev txawj ntse, muaj peevxwm thiab totaub ua tau txhua yam haujlwm. Nkawd paub muab qauv thiab txawj nchuav kub, nchuav nyiaj thiab nchuav tooj, ntos tej tseem ntaub mag thiab lwm yam ntaub, ua tau txhua yam thiab txawj muab txhua yam qauv… (nqe 31-35). Tus Tswv kuj pub nkawd muaj peevxwm qhia tau lwm tus. Los ntawm lub tswvyim thiab lub peevxwm uas tus Tswv pub, nkawd cob qhia tau ib pab neeg uas txawj ua yam ub yam no los sib pab ua haujlwm.
Mauxes tawm lus rau cov pejxeem txog qhov uas nws txib Npexalees thiab Auhauli-as nkawd ua ob tug coj sawvdaws ua haujlwm, lees paub ob tug tes haujlwm yog tswj coj sawvdaws thiab yog ob tug nres lub nra ntawm tes haujlwm ua lub tsev ntaub. Yog ib lub meejmom zoo uas tau los nres tes haujlwm txhim kho tus Tswv lub tsev, tsis yog tus ntawd muaj suab npe xwb, tiamsis txiv thiab nws yawg tseem hais txog npe huv tibsi. Thaum tau tus Tswv xaiv ib tug neeg ua ib teg haujlwm tshwjxeeb twg, tus Tswv hu tuav nkaus tus ntawd lub npe, pub peevxwm, pub tswvyim thiab cob qhia tus ntawd kom nws ua tau tiav tes haujlwm uas tus Tswv muab tso rau ua. Tus neeg uas tau tus Tswv xaiv yuav tsum paub meej hais tias, txhua yam yus muaj, lub dag zog, peevxwm thiab tswvyim puavleej yog tus Tswv pub, yog li ntawd nws tsis txhob khav txiv. Cov tibneeg uas tus Tswv xaiv los ua tes haujlwm yim siab, nws yim huab txo fwjchim, tas siab ua haujlwm kom tiav rau qhov zoo, thiab yuav tau nres lub nra siab dua.
Niaj hnub nimno tus Tswv kuj xaiv, hu peb los ua Nws cov menyuam thiab pub peb muaj ib tes haujlwm tshwjxeeb uas yog xeebcom ntawm Vajtswv lub tebchaws Ceebtsheej. Kawm xyaum Npexalees thiab Auhauli-as tus qauv, ncaj nces rau tej uas tus Tswv pub muaj hauv txhua hnub, txais lub dag zog ntawm tus Tswv los ua lub neej yog ntsev las tibneeg ntiajteb thiab yog qhov kaj rau neeg ntiajteb pom kev kom pab tau lwm tus los ntseeg Yexus.
Thov Vajtswv,
Tus Tswv, ua Koj tsaug uas Koj tau xaiv nyuam yaus, pub rau nyuam yaus tau los ua Koj tus me nyuam thiab txib Vaj Ntsujplig los nyob hauv nyuam yaus lawm. Thov pab kom nyuam yaus tas siab ua Koj tes haujlwm qhia Tswv Yexus lub npe rau lwm tus. Amees.
Peb puas yog ib tug uas mob siab qhia txog tus Tswv lub npe lawm tau?
Nyeem Vajluskub hauv peb lub xyoo: Malakaus 6:1-29
Kênh Youtube BHKTHN:
